Samsung Unpacked 2022 taqdimotini o'tkazdi

Kompaniya Galaxy Z Flip 4, Galaxy Z Fold 4 buklanadigan telefonlari, Galaxy Watch 5 va Galaxy Buds 2 Pro quloqchinlarini eʼlon qildi. Maʼlumotlarga koʻra, bular ilgʻor alyuminiy ramkalar va Corning shishasi tufayli eng mustahkam buklanadigan telefonlar boʻlib, ular turli xil shikastlanishlarga chidamli.

Galaxy Z Flip 4

Yangi model yanada sigʻimli akkumulyatorga ega. 6,7 dyuymli ekran avvalgi model bilan bir xil. Endi old kamera uchun ham portret rejimi mavjud, telefon qisman buklanganda “свободные руки” rejimida video suratga olish mumkin.

Flip 4 buklanganda qoʻngʻiroq qilish, video qoʻngʻiroqlar va xabarlarga javob berish mumkin.

Galaxy Z Fold 4

Galaxy Z Fold 4 — katta ekranli qurilmalar uchun Android 12L oʻrnatilgan birinchi qurilmadir.

Smartfon 50 megapikselli keng burchakli obyektiv va 30 marta kattalashtirishga ega. Kamera algoritmlari kechalari suratga olishga yordam beradi.

Ikkala buklanadigan telefon ham S Pen bilan ishlaydi, biroq smartfonlarda uni saqlash uchun joy yoʻq.

Galaxy Watch 5 va Galaxy Watch 5 Pro

Watch 5 soatida tana harorati sensori mavjud. Sakkiz daqiqa zaryadlangandan soʻng soat 8 soatlik uyquni kuzata oladi.

Watch 5 Pro bir zaryadda 80 soat ishlaydi. Qurilma chidamli korpusga egaligi uchun ham ekstremal sport turlari uchun mos keladi.

Galaxy Buds 2 Pro

Ushbu quloqchinlar Intelligent Active Noise Cancellation texnologiyasi bilan ishlaydi. Ular atrofdagi shovqinni kamaytiradi, lekin kimdir siz bilan gaplashganda, ular ovozni pasaytiradi.

Model uchta rangda — oq, qora va binafsha rangda chiqariladi.