Payme va Asaxiy – ayollar tadbirkorligi tarafida

O'tgan yil 8-mart bayrami arafasida Payme o'zbekistonlik ayol tadbirkorlarni qo'llab-quvvatlashga qaratilgan loyihani taqdim etdi. Kampaniya jamiyatda katta qiziqish bilan qarshi olindi. Payme mediaresurslari orqali biznes-ledilarga o'zini namoyish etish uchun noyob imkoniyat taqdim etdi. Brendning ijtimoiy tarmoqlardagi sahifalari, shuningdek, raqamli va tashqi reklamasi ayol tadbirkorlarga bag'ishlangan yangiliklar bilan to'ldi. Loyiha shiori – «Ayollar tadbirkorligi tarafida».

Bu yil Payme o'z missiyasini davom ettirishga qaror qildi. Bu safar Asaxiy kompaniyasi bilan hamkorlikda. Butun hafta davomida brend sahifalari «AyollarTadbirkorligiTarafida» xeshtegi ostida biznes sohibalari haqida so'z yuritadi. Turli sohalarda muvaffaqiyatga erishgan tadbirkor ayollar ushbu rubrika qahramonlariga aylanadi. Ularning hikoyalari boshqalar uchun ilhom manbai bo'lib xizmat qiladi.

Kampaniya doirasida videorolik ham suratga olindi. Rolikdan ko'zlangan maqsad – karyera va shaxsiy hayot o'rtasida muvozanat saqlashda ayollar duch keladigan muammolarga jamoatchilik e'tiborini qaratish. Qo'llab-quvvatlaydigan kishini topish, shuningdek, yuqori mas'uliyat talab etiladigan barcha ishlarga ulgurish ba'zan oson bo'lmaydi. «Eng asosiysi – to'xtamaslik» — deyiladi murojaatda.

Kampaniya doirasida biznesda muvaffaqiyatga erishgan ayollarni qo'llab-quvvatlash va ilgari surish uchun boshqa tadbirlar va tashabbusli loyihalarni amalga oshirish ham ko'zda tutilgan.