Qaysi Smart TV'ni tanlash kerak?

Uyingiz uchun yangi narsa sotib olish har doim bayramdir. Xoh u mebel boʻlsin, muzlatgich boʻlsin, yoki televizor. Yangi uy jihozlarini tanlayotganda ularning barcha xarakteristikalari bilan tanishib chiqish zarur.

Ushbu maqolada televizor tanlashda nimalarga eʼtibor berish kerakligi haqida aytib oʻtamiz.

Hozirda talab kuchli boʻlgan televizorlar bu — Smart TVʼlardir. Smart TV onlayn kinoteatrning ilgʻor funksiyalarini oʻz ichiga oladi. Sevimli filmlaringizni yolgʻiz yoki oila davrasida, yoxud doʻstlaringiz bilan istalgan qulay vaqtda tomosha qilishingiz mumkin.

Smart TV modelini tanlashda unda oʻrnatilgan ilovalarga va mashhur xizmatlarni oʻrnatish imkoniyatiga, ilovalar doʻkoniga kirishiga eʼtibor berish muhimdir. Misol uchun, Android platformasida ishlaydigan televizorlar har qanday dasturni yuklab olish imkonini beradi.

Bunday televizorlar foydalanuvchi uchun barcha zarur funksiyalarga ega: ilovalar orqali sevimli filmlaringizni tomosha qilishingiz, telekoʻrsatuvlarni yozib olishingiz va hatto ijtimoiy tarmoqlarga kirishingiz mumkin.

Smart TV tanlayotganda eʼtibor berishingiz kerak boʻlgan taraflardan yana biri bu — televizorning ishlash tezligi va filmlarni koʻrsatib berish sifati.

Aytib oʻtilgan funksiyalarga ega Smart TVʼlar top-3ligi bilan quyida tanishing:

Samsung QLED QE65Q60TAU

Kvant nuqtalari texnologiyasi tasvirning eng yuksak sifatini ta’minlaydi. Ranglarning 100% hajmi tufayli, kvant nuqtalari texnologiyasi nurni ajoyib ranglar palitrasiga aylantirib beradi. Bunda yorqinlikning har qanday darajasida ham rang uzatish sifati barqaror holatda qoladi.

Baquvvat Samsung Quantum 4K protsessori tasvir sifatini optimallashtiradi, natijada kontentning vizual xususiyatlarini yaxshilab, tomosha qilish uchun eng yaxshi sharoitni ta’minlaydi.

LG 65NANO996 NanoCell

LG 65NANO996NA televizori tasvirni 8K formatida – 7680 x 4320 piksellik aniqlikda uzatadi. Bu afzallik diagonaliga 65 dyuymlik katta ekran bilan uyg‘unlashib, film tomosha qilganda xuddi kinoteatrga tashrif buyurgandagi kabi yorqin taassurotlar olish imkonini beradi.

Yorqinlik va kontrastning yuqori ko‘rsatkichlari, 178 darajalik ko‘rish burchagi hamda 100 gerslik kadr yangilanish chastotasi tufayli siz tasvir sifatidan mamnun bo‘lasiz.

Premier 43PRM700S

Ajoyib dasturlar, cheksiz tanlov, qulay oʻrnatish va navigatsiya PREMIER Smart Televizorini oilangiz uchun eng zoʻr aqlli televizorga aylantiradi. Byudjetli Smart televizorlar orasida eng yaxshi tanlov

Anyview Cast funksiyasi yordamida Premier Smart Televizorini telefon yoki kompyuteringiz ekraniga WiFi orqali ulash imkoniyati mavjud. Siz zarur hollarda televizordan katta ekran sifatida foydalana olasiz.