Wi-Fi tezroq ishlashi uchun nima qilish kerak: 5 ta oddiy qadam

Ba’zida uyingizdagi Wi-Fi noma’lum sabablarga ko‘ra sekin ishlaydi yoki umuman “yo‘qolib qoladi”. Buning yechimi bor va uni quyida keltirib o‘tamiz. Ushbu 5 ta oddiy qadamni bajargach, Wi-Fi 50% ga tezroq ishlaydi.

1. Routerni ochiq joyga joylashtiring.

Sizning routeringiz ishlash tamoyiliga ko‘ra radioto‘lqin uzatgichi hisoblanadi, u tarmoqqa ulanuvchi qurilmalarga yaqinroq bo‘lishi kerak. Devorlar, shkaf va hatto kitob javonlari ham Wi-Fi signalini kamaytirishi mumkin.

Agar siz ko‘p qavatli uyda tursangiz, router yaxshiroq signal tarqatishi uchun yuqoriroqqa joylashtiring.

Routerni uyning chekka qismiga joylashtirmaslikni ham hisobga olish kerak. Aks holda, qo‘shningizning “xaker” bolalari Wi-Fi routeringizga ulanib, uning tezligini kamaytirishi mumkin (qancha ko‘p qurilma ulansa, router shuncha ko‘p “qotadi”).

2. Kanal yoki diapazonni o‘zgartiring.

Wi-Fi signallari kanallarga bo‘linadi va router ulardan birini qurilmalar bilan bog‘lab turadi. Bir necha kishi bir xil Wi-Fi kanalidan foydalanganida, bu hol ulanish tezligiga ta’sir qiladi.

3. Imkoni bo‘lgan yerlarda kabellardan foydalaning.

Agar sizda qurilmalar soni ko‘p bo‘lsa, Smart TV yoki PS kabilarni routerga Wi-Fi kanali orqali emas, balki Ethernet kabeli orqali ulashni tavsiya qilamiz. Mazkur kabel qurilmalarga tezkor internetni yetkazib beradi. Bu kabel routerni xarid qilganingizda, uning qadoq jamlanmasida chiqadi.

4. Antennalarni burib ko‘ring.

Routeringizdagi antennalar ham (agar bor bo‘lsa) uning tezligini oshirishga yordam beradi. Agar siz kvartirada tursangiz, ularni vertikal qilib qo‘ying, shunda signal yon atrofga tarqaladi. Agar ko‘p qavatli uyda bo‘lsangiz, unda antennalardan birini vertikal, yana birini esa gorizontal joylashtiring. Vertikali yon atrofdagilarga, gorizontali esa qavatlarga signal jo‘natadi.

5. Repiter o‘rnating.

Agar yuqoridagi maslahatlarimiz foyda bermagan bo‘lsa, unda qo‘shimcha tarzda repiter, ya’ni Wi-Fi signali kuchaytirgichini o‘rnating. Uning yordamida uyingizdagi Wi-Fi signali yetib bormaydigan yerlarni internet bilan ta’minlashingiz mumkin.

© Manba: Daily Mail