Nimalarni bilishingiz kerak:

• Mish-mishlarga ko‘ra, Apple iPhone 14 Pro smartfoni 8 Gb tezkor xotiraga ega bo‘ladi.
• Hozirgi iPhone 13 Pro esa 6 Gb tezkor xotiraga ega.
• Yangi mish-mish o‘tgan yili iPad mini yangiliklarini to‘g‘ri bashorat qilgan kishi orqali kelgan.

Yangi hisobotga ko‘ra, Apple kompaniyasining 2022-yilgi flagman iPhone smartfonlari 8 Gb tezkor xotiraga ega bo‘lishi mumkin.

Hozirgi iPhone 13 Pro va iPhone 13 Pro Max atigi 6 Gb tezkor xotiraga ega bo‘lsa-da, iPhone 14 Pro modelida shunga yana 2 Gb qo‘shilgan – u to‘liq 8 Gb tezkor xotira bilan chiqadi. Ushbu hisobot avvalgi iPad mini yangilanishini to‘g‘ri bashorat qilgan shaxs orqali kelgan, garchi o‘sha bashoratlarda ba’zi xatoliklar bo‘lsa ham.

Bu kishi "yeux1122" bo‘lib, u postni Koreya Naver blogiga joylashtirgan. Uning hisobotini esa birinchi bo‘lib MacRumors payqagan.

"Yeux1122" hisoboti, shuningdek, ta’minot zanjiri talablari qo‘shimcha RAM uchun allaqachon tasdiqlanganligini ko‘rsatadi.

Koreya hisobotida toʻgʻri taʼkidlanganidek, yangi flagman iPhone’lar Samsung flagman smartfonlariga teng keladi, zero, iOS toʻgʻri ishlash uchun turli sabablarga koʻra Android’ga qaraganda kamroq tezkor xotira talab qiladi. Apple’ning qo‘shimcha operativ xotirani qo‘shish sababi yangi xususiyatlar bilan bog‘liq bo‘lishi mumkin. Ehtimol, bu fotosurat va videografiyani yaxshilash uchun ko‘chirilishi kerak bo‘lgan axborotlar miqdori bilan bog‘liqdir.



Apple o‘zining yangi iPhone 14 seriyasini shu yil oxirida, ehtimol sentabr oyida chiqarishi kutilmoqda. Qurilma to‘rt xil talqinda taqdim etiladi, shundan faqat ikkita Pro modeli 8 GB tezkor xotiraga ega bo‘ladi.