10,6 dyuymlik 2K-ekran, 8000 mA/soat, metall korpus, 4 dinamik – atigi 160 dollarga. Redmi Pad plansheti taqdim etildi

Redmi nihoyat keyingi paytlarda ko‘p ovoza bo‘layotgan Redmi Pad planshet kompyuterini rasman namoyish qildi. Aftidan, uning eng kutilmagan jihati – bahosi bo‘lsa kerak: Hindistonda unga 160 dollar ekvivalentida narx belgilashgan. To‘g‘ri, bu qiymat boshlang‘ich versiyasiga belgilangan va faqat birinchi xaridorlar uchun. Ammo oldin uning taxminan 230 dollarga baholanishini aytishayotgan edi, amalda esa u arzonroq bo‘lib chiqdi.

Redmi Pad modelining ekrani IPS matritsali, diagonaliga 10,61 dyuymlik, 2K aniqlikda (2000 x 1200 piksellik), kadr yangilanish chastotasi 90 gers. Maksimal yorqinligi 400 kd/kv.m., kontrastligi – 1500 : 1.

Apparat platformasi asosida GPU Arm Mali-G57 MC2 grafik chipli SoC MediaTek Helio G99 protsessori yotadi. Planshetga ikkita kamera o‘rnatilgan, har ikkalasi 8 megapiksellik datchikka ega. Akkumulyatorining sig‘imi 8000 mA/soatga teng, u 18 vattlik tezkor quvvatlana oladi.

Redmi Pad plansheti MIUI 13 for Pad interfeysli Android 12 boshqaruvi ostida ishlaydi. Metall korpusining qalinligi 7 mm, qurilma vazni – 445 grammni tashkil etadi. Planshet 4 ta dinamikka va Dolby Atmos texnologiyasiga ega.

Narxlari quyidagicha: 3/64 GB xotiralisi – 160 dollar, 4/128 GBligi – 185 dollar, 6/128 GBligi – 210 dollar.