Raxshona Ahmedova: Soyabon ostida

Qo‘lingizdagi qissalar va hikoyalar to‘plami yosh adiba Raxshona Ahmedovaning ikkinchi nasriy kitobi. Mazkur to‘plamga jamlangan hikoya va qissalarda adibaning jahongashtaligi, ko‘p yurtlar va odamlarni o‘rgangani, kuzatgani bilinadi. Yapon, koreys, xitoy xalqining xarakteri, dunyoqarashi va hayotga munosabatini o‘sha zaminda ko‘rib, his etib, yuragidan o‘tkazib, keyin yozgani bir necha hikoyalarida yaqqol seziladi. Osiyo xalqlarining go‘zal, ammo o‘ta murakkab olamini ochishda yozuvchi ular bilan baqamti yashagani, hamdam, hamqadam bo‘lganini “Ayi”, "Meni kechir, Kumiko!", "Yukioning tanlovi" kabi hikoyalari so‘zlab beradi.

Adabiyotda eng fusunkor, o‘ta talabchan, injiq janr bo‘lmish realizmda qog‘oz qoralash ko‘pchilikka jo‘n yumushdek tuyular, Biroq uning tilini tushungan, janr talablarini to‘g‘ri anglagangina nimadir yozishi mumkin. Raxshona Axmedovaning qo‘lingizdagi kitobda jam hikoya va qissalarida realizmning jo‘n va benihoya jozibador dunyosi yashirin. Sizga o‘sha olam kengliklarida bahuzur sayr etish nasib etsin!