Artel ART HD-316FN Oq sovutgichi

Kengaytirilgan sig‘imga ega muzlatkich — mahsulotlarni saqlash uchun amaliy va ishonchli yechim bo‘lib, u sig‘im, tejamkorlik va kundalik foydalanishda qulaylikni o‘zida mujassam etadi.

Yorqin LED yoritgich muzlatkich ichini hatto qorong‘i vaqtda ham mukammal yoritadi. LED chiroq butun kamera bo‘ylab yorug‘likni bir tekis taqsimlab, kerakli mahsulotlarni tez topishga yordam beradi va shu bilan birga minimal elektr energiyasi sarflaydi.

Konstruktsiyada zamonaviy va ekologik xavfsiz R600A sovituvchi moddasi qo‘llanilgan. U yuqori energiya tejamkorligi va iqtisodiyligi bilan ajralib turadi, ozon qatlamiga mutlaqo zarar yetkazmaydi va energiya sarfini kamaytirgan holda muzlatkichning barqaror hamda samarali ishlashini ta’minlaydi.

Qotirilgan (zakalennyy) shishadan tayyorlangan javonlar yuqori mustahkamlikka ega bo‘lib, katta og‘irlikka bardosh bera oladi. Ular mexanik ta’sirlarga chidamli, oson tozalanadi va uzoq yillar davomida o‘zining mukammal ko‘rinishini saqlab qoladi.

Muzlatkich dunyodagi yetakchi ishlab chiqaruvchilarning kompressorlari bilan jihozlangan bo‘lib, sokin, barqaror va uzoq muddatli ishlashni kafolatlaydi. A+ sinfdagi yuqori energiya tejamkorligi yiliga atigi 235 kVt/soat elektr energiyasi sarflanishini ta’minlaydi, 42 dB shovqin darajasi esa qurilmaning deyarli sezilmas ishlashini ta’minlaydi.

Muzlatkichning umumiy foydali hajmi 242 litrni tashkil etadi. 187 litrli sovitish kamerasi to‘rtta qotirilgan shisha javon, eshikda 1 ta katta va 3 ta o‘rta tokcha, shuningdek meva va sabzavotlar uchun 2 ta maxsus yashik bilan jihozlangan bo‘lib, optimal namlikni saqlaydi. Tomchili muzdan tushirish tizimi parvarishni osonlashtiradi va mahsulotlarning yangiligini saqlashga yordam beradi.

Yuqori qismda joylashgan 55 litrli muzlatish kamerasi ikki bo‘lim va panjarali javon bilan jihozlangan. Muzlatish quvvati kuniga 2,4 kgni tashkil etib, mahsulotlarni tez va samarali muzlatish imkonini beradi. Muzlatish kamerasi qo‘lda muzdan tushiriladi.

Oddiy va ishonchli mexanik boshqaruv foydalanishni yengillashtiradi, eshiklarni qayta o‘rnatish (pereveshivanie) imkoniyati esa muzlatkichni istalgan interyerga moslashtirishga yordam beradi. ST (subtropik) iqlim sinfi qurilmaning yuqori atrof-muhit haroratida ham barqaror ishlashini ta’minlaydi.

Ushbu muzlatkich — katta sig‘im, energiya tejamkorligi va mustahkamlikning mukammal uyg‘unligi bo‘lib, kundalik hayotda qulaylik va ishonchlilikni qadrlaydiganlar uchun ideal tanlovdir.