Go‘ro‘g‘lining Safari O‘zbek xalq dostonlari

O‘zbek xalq og‘zaki ijodida "Go‘ro‘g‘li” turkumiga kiruvchi dostonlar yuzdan oshadi. Turkumlikning katta bir qismini Go‘ro‘g‘lining o‘zi hamda Avazxon, Nurali haqidagi dostonlar tashkil etadi. Bu dostonlarda ko‘proq Avaz va uning farzandlari, Ahmad sardor o‘rtasidagi azaliy ziddiyatlar haqida hikoya qilinadi. Shuning uchun ham "Malla savdogar" va "Go‘ro‘g‘lining safari" qaysidir darajada bir-birini to‘ldiruvchi dostonlar hisoblanadi.

"Malla savdogar" dostonining hozirgacha bir necha variantlari nashr etilgan. Bu variantlar har bir baxshining dunyoqarashi, epik tafakkuri, mahorati jihatidan bir-biridan farq qiladi. Biz muhtaram o‘quvchilarga O‘zbekiston xalq baxshisi Qahhor baxshi Rahimovdan yozib olingan "Malla savdogar" hamda ilk marta nashr yuzini ko‘rayotgan "Go‘ro‘g‘lining safari" dostonlarini taqdim etmoqdamiz. Bu dostonlar xalqona qadriyatlarni aks ettirishi, mardlik va jasoratni ulug‘lashi bilan ajralib turadi.