Apple Events 2022 taqdimoti

2022-yil 7-sentabrda Apple’ning kuzgi taqdimoti bo‘lib o‘tadi. An’anaga ko‘ra, kuzda korporatsiya o‘zining texnologik yangiliklari va eski gadjetlarning yangi versiyalarini taqdim etadi. Tadbirda eng kutilgan mahsulot kompaniya uchun innovatsion dizaynga ega yangi iPhone 14 bo‘lishi mumkin.

Apple 2022 taqdimoti qachon boshlanadi va uni qayerda tomosha qilish mumkin

Odatda, Apple o‘z mahsulotlarini sentabr oyining uchinchi haftasida taqdim etib kelardi, ammo 2022-yilda yangi mahsulotlar taqdimoti ertaroq o‘tkaziladi. Bundan tashqari, joriy yilning oktabr oyiga yana bir taqdimot rejalashtirilgan, unda katta ehtimol bilan yangi MacBook kompyuterlari namoyish etiladi.

Apple kompaniyasining birinchi taqdimoti 7-sentabr kuni, Toshkent vaqti bilan soat 22:00da boshlanadi. Apple taqdimotini bir nechta rasmiy manbalarda onlayn tomosha qilishingiz mumkin:

• Kompaniyaning rasmiy veb-saytida;
• Kompaniyaning YouTube’dagi kanali allaqachon sanaga ortga hisoblash havolasini joylashtirgan. Taqdimot boshlanganda eslatma olish uchun qo‘ng ‘iroqchani bosib qo‘ying.

Apple’ning kuzgi ilk taqdimotida nimalar namoyish etiladi

Kompaniya taqdimot mazmunini oldindan oshkor qilmaydi, biroq internetdagi maʼlumotlarga tayansak, unda qanday yangi mahsulotlar taqdim etilishi oldindan maʼlum boʻldi.

Apple’ning asosiy yangiligi iPhone 14 bo‘lishi ehtimoldan xoli emas. Hozirdan ma’lumki, smartfon yangi, yanada nafis dizaynga ega bo‘ladi. Bundan tashqari, ehtimol, u yangi chip va yaxshiroq matritsalar bilan chiqadi.

Shuningdek, taqdimotda, mish-mishlarga ko‘ra, yangi Apple Watch 8 aqlli soati, yangi chip asosidagi AirPods Pro 2 quloqchinlari, shuningdek, Apple mahsulotlari uchun yangi operatsion tizimlar namoyish etiladi.