iOS 16’ning zo‘r yangi funksiyalari 📱

Umid qilamizki, sizda so‘nggi rusumlardagi ayfonlardan biri bor; nihoyat, ularning operatsion tizimiga zo‘r imkoniyatlar qo‘shildi. Uning asosiy yangi funksiyasi — oboydagi soat dizaynining o‘zgarishi bo‘ladi, deyotgan edi hamma. Biroq tizimda undan ham zo‘r yangi imkoniyatlar ko‘p.

-Skrinshot tahrirlagichdagi menyuda endi uni yopishda “Nusxa olish va o‘chirish” buyrug‘i bor. Oldin uni dastlab ulashish, nusxalash, keyin esa yopib o‘chirish mumkin edi. Endi bari oson va tez bitadigan bo‘lgan.

-Dasturiy ta’minot yangilanishini kuting va sizda zo‘r vidjetlar bo‘ladi. Masalan, Yandeks Taksi qachon yetib kelishini bloklangan ekranda ham kuzatib tura olasiz.

-Bildirishnomalar endi yuqoridan emas, balki pastdan keladi. Nega avvalroq shunaqa qilishmagan-a? 😺

-Endi bloklangan ekranda bir nechta desktop qilish va turli rejimlar uchun ularning biridan boshqasiga o‘tish mumkin bo‘ladi: ish uchun, uyqu, mutolaa va boshqa rejimlar uchun. Ya’ni, shu jumladan push-bildirishnomalar va qo‘ng‘iroqlar bo‘yicha vidjetlarni ham sozlash imkoni yaratilgan.

-Foto ilovasida endi oila a’zolari bilan umumiy suratlarga ega bo‘lish mumkin. Endi o‘z telefoningizda olingan rasmlarni Telegram orqali turmush o‘rtog‘ingizga yuborish kerak bo‘lmaydi.

-iMessage ilovasida o‘z xabarlaringizni tahrirlash mumkin. Apple GIF-suratlarni saytda o‘zgacha shaklda ko‘rsatishni o‘ylab topgan. Avtomatik ishga tushuvchi GIF va videolar foydali, ammo ikkita muammo bor: 1) ketma-ket takrorlanuvchi GIFlar jonga tegadi, bir martaliklari esa noqulay bo‘lishi mumkin; 2) ijro etiluvchi interfeysli video chiroyli ko‘rinmaydi, hatto bu elementlari unga kursor borganida paydo bo‘lsa ham. Apple shularni bartaraf etish uchun pastda ixcham Replay ↩️ havolasini qo‘ygan, uni bosganda animatsiyali video yana bir marta qaytariladi. Chiroyli va tushunarli yechim. Kompaniya xabarlarni tahrirlash imkoniyatini shu tarzda (animatsiya formatida) ko‘rsatib bergan.

-Fotosuratning ustiga bosib ushlab turib, undagi fonda aks etgan obyektni qirqib olish mumkin! Endi dunyo shunaqa suratlarga to‘lib-toshadi. Bu usul hatto videoda ham ishlaydi, agar pauzaga qo‘yib turilsa.

-Syomka rejimida ko‘plab imkoniyatlar bor: ma’lumotlarni konvertatsiya qilish, tarjima qilish, "ko‘ringan" raqamlarga qo‘ng‘iroq qilish va saytlarni ochish! Ya’ni, siz Xitoyda biror narxnomaga kamerani qaratsangiz, u mazkur narx dollarda qancha bo‘lishini ko‘rsatadi!

-Fitnes ilovasi endi iPhone’da. Agar smartfonni hamisha yoningizda olib yuradigan bo‘lsangiz, treking uchun aqlli soatlarning uncha keragi yo‘q.

-Endi hatto suratdagi matnni ham nusxalab olish mumkin! Sizga biror skrin, dizayn, skanerlangan surat yoki foto yuborishadi, siz esa undagi matnni ko‘chirib ola bilasiz! Qaytadan matn terib o‘tirishga hojat yo‘q.

-Oila a’zolari uchun har xil sinxronizatsiyalar, ulashishlar va sozlamalar kengaytirilgan. Endi smartfonda oilaviy ishlarni boshqarish osonlashgan.

-Telegram ishlatasiz-a? Uning beta-rejimida audioxabarlarni matnga aylantirish ishlaydi.

-Telefon muloqotida Siriga buyruq berib, go‘shakni qo‘yish mumkin. Buning uchun Siri sizni eshitishi (tugmachani bosmaganingizda ham ovozli buyruqlarni bajarishi) lozim.

-Kitoblarda bir necha yangi imkoniyatlar mavjud.

-Friform nomli yangi ilova (keyingi yilga tayyor bo‘ladi). Bu – hamma ishni birgalikda bajarish mumkin bo‘lgan o‘ziga xos doska. Xuddi devoriy gazeta, Miro kabi.

-Foto ilovasi endi dublikatlarni izlay oladi. Uning kerakli yo‘sinda ishlashiga umid qilamiz.

Barcha yangilanishlar bilan Apple saytida (inglizchada) tanishish mumkin: https://www.apple.com/ios/ios-16/features/