O‘zbekiston obidalaridagi bitiklar Namangan

Ushbu jild ustida ishlash jarayonida birinchi marta Xoji Amin, Mulla qirg‘iz, Mavlaviy Namangoniy yodgorliklaridagi yozuvlarni to‘liq o‘qish, bir qator yodgorliklarning sanasini aniqlashtirish, xronogrammalarni o‘qish tufayli homiylar va ustalarning ismlari, ta’mirlash ishlari o‘tkazilgan sanalarni, restavratsiya vaqtida matnlarda yo‘l qo‘yilgan xatolarni aniqlash mumkin bo‘ldi. Epitafiya namunalari birinchi marta taqdim etilgan, unda bir qator taniqli shayxlar va o‘tmishdagi ilohiyotchilarning hayoti hamda o‘limi to‘g‘risidagi ma’lumotlar mavjud. Albomda XVI–XX asrlarning 12 ta obyekti — ikki madrasa, yetti masjid, uch xonaqoh, shuningdek, ulardan o‘ntasi VI–XIV asrlarga tegishli bo‘lgan qabr toshlaridan arab, fors va eski o‘zbek tillarida epigrafik materiallar keltirilgan bo‘lib, ularning matnlari o‘z davrining siyosiy-diniy holatini aks ettiradi. Albomga kiritilgan me’moriy yodgorliklar orasida Xoji Amin majmuasi, Mavlaviy Namangoniy maqbarasi, Maxdum Eshon masjidi, Shayx Is’hoq Eshon masjidi, Mulla Qirg‘iz madrasasi, A’loxon Maxdum masjidi, G‘oybinazar qozi madrasasi, Chodak masjidi, Uvays al-Qaroniy majmuasi mavjud.