Ўзбекистон обидаларидаги битиклар Наманган

Ушбу жилд устида ишлаш жараёнида биринчи марта Хожи Амин, Мулла қирғиз, Мавлавий Намангоний ёдгорликларидаги ёзувларни тўлиқ ўқиш, бир қатор ёдгорликларнинг санасини аниқлаштириш, хронограммаларни ўқиш туфайли ҳомийлар ва усталарнинг исмлари, таъмирлаш ишлари ўтказилган саналарни, реставрация вақтида матнларда йўл қўйилган хатоларни аниқлаш мумкин бўлди. Эпитафия намуналари биринчи марта тақдим этилган, унда бир қатор таниқли шайхлар ва ўтмишдаги илоҳиётчиларнинг ҳаёти ҳамда ўлими тўғрисидаги маълумотлар мавжуд. Альбомда ХВИ–ХХ асрларнинг 12 та объекти — икки мадраса, етти масжид, уч хонақоҳ, шунингдек, улардан ўнтаси ВИ–ХИВ асрларга тегишли бўлган қабр тошларидан араб, форс ва эски ўзбек тилларида эпиграфик материаллар келтирилган бўлиб, уларнинг матнлари ўз даврининг сиёсий-диний ҳолатини акс эттиради. Альбомга киритилган меъморий ёдгорликлар орасида Хожи Амин мажмуаси, Мавлавий Намангоний мақбараси, Махдум Эшон масжиди, Шайх Исъҳоқ Эшон масжиди, Мулла Қирғиз мадрасаси, Аълохон Махдум масжиди, Ғойбиназар қози мадрасаси, Чодак масжиди, Увайс ал-Қароний мажмуаси мавжуд.