Ҳамма нарсани билишни истайман: Уйингиздаги физик жараёнлар

"Физика - мен қўрқадиган зерикарли фан.. дерсиз, тўғрими? Қани, унга яқинроқдан назар солайлик-чи. Бунинг учун ётоқхонангиздан яхшироқ жой бўлмаса керак. Эҳтимол, у каравотингиз остидаги иситиш тизимига яшириниб олгандир? Ёки кийимжавондаги нур қайтарувчи футболкага айланганмикан? Балки, вақти-вақти билан сирли равишда ўчиб қоладиган чанг босган эски электр тақсимлагич қутисига кириб олгандир... Лекин ҳақиқатан шунақа бўлиши мумкинми?
Физика сизни худди магнит каби ўзига тортадими ёки столингиз остида қўрқувдан дир-дир титрашингизга сабабчи бўладими? Қўрқманг ва бу китобни ўқинг. У сизга физиканинг қанчалик ажойиб фан эканлигини ва, энг муҳими, уни ҳақиқатан ҳам ҳамма жойда топиш мумкинлигини кўрсатади.
Аста-секин бутун уйингизни полдан шифтгача ўрганиб чиқа бошлайсиз: ошхонадаги жавлон уриб қайнаётган чойнакдан тортиб ҳожатхонадаги ғалати букилган қувургача. Ҳолат ўзгаришлари, электр қуввати, радиация ва барча кучлар қаерда яширинганини ўзингиз учун кашф қиласиз.
Ажойиб тажрибалар ҳам сизни кутиб турибди! Лекин шу ерда огоҳлантириш ўринли - улардан бири тепа сочингизни тикка қилиши мумкин!