Коинот (Менинг биринчи энциклопедиям)

Инсон Ер юзида бир неча миллион йиллардан бери яшар экан, улар сўзсиз самони ҳам кузатишган. Қуёш, Ой, сон-саноқсиз юлдузлар, думли кометалар ва ёрқин метеорлар қадим замонлардан буён инсонлар эътиборини тортиб келаётган ажойиб ҳодисаларнинг кичик бир қисмидир. Одамлар осмонни кузатганлари сари уларда кўплаб саволлар пайдо бўлган. Нима учун Қуёш ва юлдузлар порлайди? Қуёш тутилиши нима учун рўй беради? Юлдузларнинг сўниши нима ва улар қаердан тушади? Нима учун осмонда кометалар пайдо бўлади ва бу нимани англатади? Ой нима ва у нима учун кечаси, Қуёш эса кундузи нур сочади? Нима учун юлдузлар осмон бўйлаб ҳаракатланади - Ерчи ҳаракатланяптими? Агар у ҳаракатланаётган бўлса, қандай қилиб? Инсон коинотни кузатаркан, уни чексиз саволлар қийнар эди.

Дастлаб бу саволларга руҳонийлар жавоб беришга ҳаракат қилишди. Натижада турли хил ҳодисалар ҳақидаги афсона ва тўқималар пайдо бўлди. Вақт ўтиши билан бу каби фаразлар одамларни қониқтирмай қўйди. Охир-оқибат ушбу саволларга ўз мулоҳазалари ва тажрибалари ёрдамида жавоб топишга ҳаракат қилган олимлар пайдо бўлди. Шундай қилиб, коинотнинг тузилиши ва қонунларини ўрганадиган фан - астрономия юзага келди. Кўплаб истеъдодли астрономларнинг меҳнати туфайли биз коинотга оид саволларга ишончли жавобларни олдик. Уларнинг баъзиларини қўлингиздаги китобни ўқиб билиб оласиз. Китобни ўқиб чиққанингиз сари сиз коинот ҳақидаги билимларни билиб ола бошлайсиз. Ишончимиз комилки, коинот сизни қизиқтириб қўяди ва китобга бўлган қизиқишингиз ортади.