Ta'til uchun: 10tasi 1da va chegirma narxda

Yozda mutolaa qilish uchun ajoyib va foydali kitoblar qidiryapsizmi? "Taʼtil uchun: 10 tasi 1 da" toʻplamini tavsiya qilamiz!

Ushbu toʻplamda yoz oylarida oʻqish uchun eng koʻp sotilgan va eng foydali 10 ta kitob mavjud. Siz shaxsiy rivojlanish, moliyaviy savodxonlik yoki badiiy asar istaysizmi, toʻplamda hamma uchun kitob bor.

Kitoblar ro'yxati:

1. Jon G. Miller: SOS! Savol ortidagi savol

Odamda masʼuliyat hissi boʻlmasligi aybni birovga toʻnkash, oʻzini jabrdiyda his etib norozi boʻlish, oxir-oqibat ishni ortga surishga sabab boʻladi. Shaxsiy javobgarliksiz hech bir kompaniya yoki inson erkin bozorda muvaffaqiyatli raqobatlashishi, oʻz oldiga qoʻygan maqsad-vazifalariga erishishi, mukammal xizmat koʻrsatishi, ajoyib jamoaviy ishda qatnashishi va odamlarni professional oʻstirishi ehtimoldan juda yiroq.
Jon G. Millerning fikricha, kompaniyalar jabr koʻrayotgan bu muammolarni kimnidir ayblash orqali hal qilib boʻlmaydi. Masalaning chinakam yechimi har birimiz shaxsiy javobgarlikni his etganimizdagina topiladi. Miller oʻzining ushbu kitobida “Nima uchun hammasini biz bajarishimiz kerak?” yoki “Aybdor kim oʻzi?” singari salbiy va notoʻgʻri berilgan savollar odamlarda masʼuliyat yetishmasligidan darak beradi, deydi. “Vaziyatni yaxshilash uchun nima qila olaman?” yoki “Men qanday hissa qoʻshishim mumkin?” kabi toʻgʻri savollar esa hayotimiz va jamoamizni ham oʻzgartirib yuboradi.
Qisqa, tushunarli va amaliy, “SOS! Savol ortidagi savol” ajoyib natijalarga olib kelishi mumkin boʻlgan kundalik hayotga shaxsiy javobgarlikni qoʻllash usulini taqdim etadi: muammolar hal qilinadi, toʻsiqlar yoʻqoladi, xizmat yaxshilanadi, jamoaviy ish samarasi ortadi va odamlar oʻzgarishlarga moslashadi.

2. Klaus Shvab: Toʻrtinchi sanoat inqilobi

“Toʻrtinchi sanoat inqilobi” hodisasi oʻzining oʻlchami, koʻlami va murakkabligi bilan insoniyat boshidan kechirgan hech bir jarayonga oʻxshamaydi. Muallif ushbu inqilobni boshqaradigan asosiy texnologiyalarni tavsiflaydi va hukumat, biznes, fuqarolik jamiyati va shaxslarga kutilayotgan asosiy taʼsirlarni muhokama qiladi. Shvab, shuningdek, ushbu oʻzgarishlardan qanday foydalanish va yaxshiroq kelajakni shakllantirish boʻyicha gʻoyalarni taklif qiladi — bunda texnologiya odamlarga ularning oʻrnini bosmasdan, kuch beradi; taraqqiyot jamiyatni buzishdan koʻra, unga xizmat qiladi; va bunda innovatorlar axloqiy chegaralarni kesib oʻtmasdan hurmat qiladilar.
Mutolaa davomida quyidagi savollarga javob olasiz:
- Texnologiyalar taraqqiyoti hayotimizda nimalarni oʻzgartiradi?
- Davlatlar yaqin kelajakda nimalar qilishlari, reja tuzganda nimalarga eʼtibor berishlari lozim?
- Toʻrtinchi sanoat inqilobidan oʻz manfaatimiz yoʻlida foydalanish uchun nimalarga eʼtibor qaratishimiz kerak?
- Sunʼiy intellekt nimalarga olib boradi, undan kim yutadi-yu, kim yutqazadi? U qaysi sohalarda ustunlik qilishi mumkin?

3. Hans Rosling: Factfulness

Faktdorlik - stressni yumshatuvchi, faqat kuchli faktlarga tayanib fikrlash odatidir.
Dunyoda qancha kambag‘al bor, aholi soni nega o‘smoqda, qizlarning qanchasi taʼlim olmoqda singari muhim global o‘zgarishlar haqidagi oddiy savollarga odatda xato javob eshitamiz. Shu qadarki, javoblarni ixtiyoriy tanlaydigan shimpanze ham o‘qituvchilar, jurnalistlar, Nobel mukofoti laureatlari va bankirlardan to‘g‘riroq javob bera oladi.
“Factfulness”da xalqaro sog‘liqni saqlash bo‘yicha professor va global TED maʼruzachisi Hans Rosling ikki hamkori - Anna va Ola bilan birgalikda buning sababini yangicha yo‘sinda izohlaydi. Ular bizni adashtiruvchi o‘nta instinktni ochib bergan.

4. Rey Bredberi: Farengeyt boʻyicha 451º

Hayot tezlashgan, bir xillik tenglik deb ataladigan, odamlar bir-birini eshitmaydigan, fikrlashdan toʻxtagan, hurlik mahv etilgan… Bu jamiyatda kitoblar aql kushandasi sanaladi, taqiqlar tufayli odamlar asta-sekin ulardan voz kechadi, adabiyotdan qoʻrqadi. Ular faqat quloqlaridagi “chigʻanoq”lardan taraladigan maʼnisiz musiqadan mast, reklamalardan sarhush yashaydi.
Kitoblar taqiqlangan yaqin kelajakdagi xayoliy Amerika jamiyati haqida hikoya qiluvchi ushbu asar bosh qahramoni Gay Monteg – oʻt oʻchiruvchi. Nomi oʻt oʻchiruvchi, ammo kitoblarni ular topilgan uylar bilan qoʻshib yoqish uning aʼmolidir. Ammo kuni kelib, u oʻz kasbining toʻgʻriligiga shubhalanib qoldi va asta-sekin fikrlashni istayotganini sezdi, ana shundan boshlangan isyon ortidan u oʻzi yashab turgan jamiyatdagi tutumni, tartibotni savol ostiga ola boshladi. Alaloqibat u oʻzi kabi insonlardan iborat yashirin guruhga qoʻshildi…

5. Malkolm Gladuell: Zukkolar va landavurlar

Bu foniy dunyo hayotini adolatli deb boʻlmaydi. Negaki, unda pul, hokimiyat, shon-shuhrat va omad odamlarning barchasiga teng taqsimlangan emas. Nega ayrim odamlarning hamma narsasi bor, boshqalarda esa hech vaqo yoʻq? Omadning sabablarini faqat insonning tabiat inʼom etgan shaxsiy fazilatlari bilan bogʻlash toʻgʻrimikin?
Malkolm Gladuell har doim mutloqo tasodif hisoblab kelingan muvaffaqiyatlarning zamirida yotgan yashirin qonuniyatlarni topgan birinchi insondir. Bu qonuniyatlar nega aksariyat buyuk xokkeychilar faqat yanvarda tugʻilganligini va hech qachon oktyabrda tugʻilmasligini, nima uchun matematikani osiyolik talabalar boshqalardan koʻra osonroq oʻzlashtirishini, nega Nyu-Yorkning eng obroʻli advokati boʻlish uchun albatta yahudiy boʻlish lozimligini tushuntirib beradi. Bu kitob Bill Geyts, “Bitlz” va Motsart kabi shaxslarni nima bogʻlab turishini hamda ular nega oʻz tengdoshlaridan oʻzib ketganligini koʻrsatadi.
“Zukkolar va landavurlar” — “qanday qilib muvaffaqiyatli inson boʻlish” boʻyicha qoʻllanma emas. Bu siz oʻzingizga foydali tarzda foydalanishingiz mumkin boʻlgan hayot qonuniyatlari olamiga zavqli bir sayohatdir.

6. Devid Bax, Jon Devid Mann: Latte omili. Moliyaviy mustaqillik va erkin hayot sari

Badavlat bo‘lmay turib ham boy yashash mumkinmi? Albatta, mumkin. Buning uchun maoshingizni oshirishlarini, lotereyaga yutuq chiqishi yoki kutilmagan xazina topib olishni kutishga hojat yo‘q.
Ko‘pchilik bir umr boshqalarni boy qilish uchun ishlaganini juda kech tushunadi. Natijada o‘zini hech qachon badavlat bo‘lolmaydigan muhtoj odamdek his etib, barcha istaklarini noaniq muddatga ortga suradi...
Ushbu kitob qahramoni ham "Qurbim yetmaydi" deya ko‘p narsada, hatto orzularida ham o‘ziga cheklovlar qo‘ygan. U tasodifan tanishib qolgan keksa barista esa qizga o‘zi o‘ylaganidan ancha badavlatroq ekanini tushuntirib beradi.

7. Jerom Selinjer: Javdarzordagi xaloskor

Jerom Selinjerning “Javdarzordagi xaloskor” romani 1945–1946-yillarda seriyali shaklda qisman nashr qilingan, 1951-yili alohida kitob boʻlib chiqqan. Asar koʻplab tillarga oʻgirilgan. Shu kungacha 65 million nusxada sotilgan. 2005-yili “Time” jurnali asarni 1923-yildan boshlab ingliz tilida yozilgan 100 ta eng yaxshi romanlar roʻyxatiga kiritgan. “Modern Library” nashriyoti esa romanni XX asrning 100 ta eng sara asarlari qatoridan joy olishga loyiq topgan. 2003-yil BBCning “The Big Read” (“Eng koʻp oʻqilgan”) soʻrovnomasida u 15-oʻrinni egallagan. Asarda beparda soʻzlar koʻp uchragani bois bir qancha mamlakatlarda, jumladan, AQSH maktablarida ham keyinchalik tanqidga uchragan va uzoq yillar nashr etilishi taqiqlangan. “Javdarzordagi xaloskor” koʻp bora senzuraga uchragan boʻlishiga qaramay, AQSH maktablarida eng koʻp oʻqitilgan asarlar roʻyxatida 2-oʻrinda turadi (1-oʻrinni Jon Steynbekning “Sichqonlar va odamlar haqida” novellasi egallagan).
Asarning bosh qahramoni Holden Kolfild oʻsmirlarning sarkashligi, isyoni timsoliga aylanishga ulgurgan. Roman, shuningdek, maʼsumlik, asillik, oʻzlik, yoʻqotish, daxldorlik, intim va tushkunlik kabi murakkab masalalarga ham tegib oʻtadi.

8. Svetlana Aleksiyevich: Chernobil tavallosi

Chernobil tavallosi — bu Svetlana Aleksiyevichning kitobi boʻlib, Chernobil fojiasi haqida ogohlantirilmagani tufayli hodisaning beayb qurboniga aylangan beloruslarning boshdan kechirganlari haqida hikoya qiladi. Aleksieyevich yuzlab odamlar, jumladan oʻt oʻchiruvchilar, siyosatchilar, shifokorlar, fiziklar va oddiy fuqarolar bilan suhbatlashdi hamda ularning hikoyalari falokat insoniyat uchun qanchalik qimmatga tushganini ochib berdi.
Kitob inson ruhiyatining, irodasining mustahkamligidan kuchli va taʼsirchan dalolatdir. Bu, shuningdek, yadroviy energiya xavfi haqida ogohlantiruvchi hikoya hamdir.

9. Ato Hamdam, Leonid Chigrin: Yapon zobiti. Yutaro Todaning asirlikda boshdan kechirganlari

Yosh yapon ofitseri Yutaro Toda Antanta qo‘shinlari tarkibida Rossiya shimolidagi Pomoryega kirib kelganida hayoti tubdan o‘zgarib ketishini tasavvur qilmagandi. Tinch va osuda hududda dushmanga qarata biror marta o‘q uzmagan zobit partizanlarga asir tushdi, lekin tez orada ularning hurmatini qozonib, otryad komandiriga aylandi. Biroq NKVD xodimining asossiz gumonlari bilan qamoqqa olinishi uning hayotidagi eng murakkab voqealarning debochasi bo‘ldi. Yutaro o‘zi istamagan holda yangi tuzilgan Hukumatning qamoqxonasidagi insoniylikdan yiroq ichki sirlarga guvoh bo‘lib qoldi. Buning badalini esa umrining uzoq yillarini mahbuslikda o‘tkazish bilan to‘lashiga to‘g‘ri keldi...
Sobiq Ittifoqdagi NKVD xizmatining shafqatsiz tartib-qoidalari, uning baʼzi xodimlari uchun insonlar hayotini qurbon qilish arzimas ish ekanini Yutaro o‘z boshidan o‘tkazgan voqealar misolida ko‘rdi. Biroq olis shimoldagi lager azoblari ham uning irodasini sindira olmadi...

10. Teodor Drayzer: Sarmoyador

Bir necha kunda millioner bo‘lish mumkinmi? Shu bilan insonning istaklari poyoniga yetarmikan?
Bu kitob - “Sarmoyador”ning bosh qahramoni Frenk Kaupervud o‘zining savqi tabiiysiga quloq tutib, bir necha kunda chindan boyib ketadi. Unda o‘smirligidanoq atrofdagilar taʼsirida savdogar va birja o‘yinchisi ruhiyati shakllangandi. Tashabbuskor, iqtidorli va serg‘ayrat yosh yigit asta-sekin hech qanday tamoyilni tan olmaydigan, o‘z hukmini o‘tkazuvchi ochko‘z millionerga aylandi-qoldi. Ammo hayot bir tekis emas, uning uchun kutilmagan og‘ir sinovlar hali oldinda edi...
“Sarmoyador” - amerikalik yozuvchi Teodor Drayzerning eng mashhur romanlaridan biri. Adibning "Istak trilogiyasi" dan joy olgan ushbu asari 1912 - yilda nashr etilgan. Unga amerikalik temir yo‘l korchaloni, millioner Charlz Yerksning hayot yo‘li asos qilib olingan. Kitobda konkret inson misolida tadbirkor qanday fikrlashi, xayolidan qanday o‘ylar kechishi, muammolarga qanday yechim topishi tasvirlangan. Bu asar chinakam tadbirkor xarakteriga berilgan chizgidir.


Bu kitoblar sizni har tomonlama rivojlantiradi va maroqli dam olishingizni taʼminlaydi. Oʻqib amal qilsangiz kuz kelguncha shaxs sifatida ancha rivojlanasiz. 10 ta kitob narxi 469 000 soʻm, ammo 15% chegirma bilan siz 10 ajoyib asarlarni 399 000 soʻmga xarid qilishingiz mumkin.

Buyurtma bering va yozni ham foydali va qiziqarli oʻtkazing!