Rey Bredberi: Farengeyt bo'yicha 451º

Hayot tezlashgan, bir xillik tenglik deb ataladigan, odamlar bir-birini eshitmaydigan, fikrlashdan toʻxtagan, hurlik mahv etilgan… Bu jamiyatda kitoblar aql kushandasi sanaladi, taqiqlar tufayli odamlar asta-sekin ulardan voz kechadi, adabiyotdan qoʻrqadi. Ular faqat quloqlaridagi “chigʻanoq”lardan taraladigan maʼnisiz musiqadan mast, reklamalardan sarhush yashaydi.Kitoblar taqiqlangan yaqin kelajakdagi xayoliy Amerika jamiyati haqida hikoya qiluvchi ushbu asar bosh qahramoni Gay Monteg – oʻt oʻchiruvchi. Nomi oʻt oʻchiruvchi, ammo kitoblarni ular topilgan uylar bilan qoʻshib yoqish uning aʼmolidir. Ammo kuni kelib, u oʻz kasbining toʻgʻriligiga shubhalanib qoldi va asta-sekin fikrlashni istayotganini sezdi, ana shundan boshlangan isyon ortidan u oʻzi yashab turgan jamiyatdagi tutumni, tartibotni savol ostiga ola boshladi. Alaloqibat u oʻzi kabi insonlardan iborat yashirin guruhga qoʻshildi…

Ilk bor nashr etilganiga qariyb 70 yil boʻlsa-da, Rey Bredberining dunyo miqyosida tan olingan “Farengeyt boʻyicha 451º” asari hamon jahon adabiyotining sara asarlaridan boʻlib kelmoqda. Ushbu distopik asarda koʻtarilgan mavzular bugun har qachongidan ham dolzarbroq tus olib boryapti.Kitob haqida OAV va mashhurlar:

Kitob haqida OAV va mashhurlar fikri:
“Ajoyib . . . Hayratlanarli va zakovatga boy . . . Biznikiga nihoyatda oʻxshash boʻlgan telba dunyoni Rey Bredberi oʻquvchini oʻziga asir qiladigan tarzda tasvirlagan.”
— Orvill Preskott, “The New York Times” nashri

“Durdona asar . . . Har bir inson oʻqishi shart boʻlgan ulugʻvor Amerika klassikasi: oʻsmir holingizda oʻqisangiz hayotingizni oʻzgartirib yuboradigan, voyaga yetganda qayta oʻqisangiz hali ham jozibasini yoʻqotmaydigan asardir.”
—Elis Xoffman, “The Boston Globe” nashri

“Haqiqatan ham oʻziga xos tasavvurning qudrati va beqiyos namoyishi hayajonga soladi . . . Bredberi juda ajoyib va noyob iqtidor egasi.”
— Kristofer Ishervud, “Tomorrow” nashri

“Mamlakatning eng sevimli yozuvchilaridan biri . . . Ajoyib hikoyanavis, baʼzan afsona yaratuvchi, chinakam Amreka klassiki.”
— Maykl Dirda, “The Washington Post” nashri




Muallif haqida:
Rey Bredberi (1920–2012) koʻplab asarlar, jumladan, “Farengeyt boʻyicha 451 daraja”, “Mars solnomalari”, “Chizilgan odam”, shuningdek, yuzlab hikoyalar muallifi. U teatr, kino, televideniye uchun ssenariylar ham yozgan va 65 ta hikoyasini “Rey Bredberi teatri”ga moslagan. Rejissyor Jon Hyustonning “Mobi Dik” va Emma mukofotiga loyiq topilgan “Xellouin daraxti” telepyesalari ssenariylari ham uning qalamiga mansub. U 2000-yilda Amerika maktublariga qoʻshgan hissasi uchun Milliy kitob jamgʻarmasining medali, 2007-yilda Pulitser mukofotining maxsus nominatsiyasi va koʻplab boshqa mukofotlarga sazovor boʻlgan.