Рамита Наваи: Ёлғонлар шаҳри

Сўнги пайтлардаги энг яхши асар албатта мен учун

Miyasida filtri bor odam oʻqisa yaxshi boʻlardi... Bu kitob bilan butun bir jamiyatni qoralab boʻlmaydi. Kitob juda taʼsirli faqat toʻgʻri hulosa chiqarisa boʻlgani. Asaxiy.uz ga omad

Bu kitobni tarjima qilmasa ham boʻlardi. Oʻzimizni jamiyatni kitob qilib yozsa balki bundan ham battar holatdagi kitob shakliga kelardi.

Эрон одатда бизга жуда узоқ ҳудуддек туюлади. Аслида асосий аҳолиси шиалардан иборат бўлган, буюк цивилизация меросхўри бўлган бу мамлакат билан деярли бир ҳудудда жойлашганмиз. Масалан, Эроннинг Машҳад шаҳри билан Бухоро ўртасидаги масофа, Бухоро билан Тошкент ўртасидаги масофа билан деярли бир хил. Қўшни Туркманистонни кесиб ўтсак биз Эрондамиз. Шу кунларда Эрон пойтахти Теҳрон ҳақида журналист Рамита Наваининг "Ёлғонлар шаҳри" китобини ўқиб тугатдим. Баҳор ойларида ўзбек тилида чоп этилган ушбу китоб бизга Теҳроннинг бутунлай бошқа юзини очиб беради. Сиёсий ва диний назорат сабабли ёпилишга мажбур бўлган, полиция ва шиа уламолари қатъий назоратида яшайдиган ушбу шаҳарда ҳаёт бир хил ва сокин кечадигандек кўринади. Теҳронликлар ўз ҳаётларини ҳаммага идеал тарзда, жамият ва дин мезонларига мос қилиб кўрсатишга ҳаракат қилишади. Гўёки ҳамма бир хил маънавиятли, ҳамма бир хил диндор, ҳамма бир хил Эрон сиёсатини қўллаб қувватлайди. Менга бу иккиюзламачилик бошқа бир мамлакатни ҳам эслатиб юборди)). Лекин, Теҳрон аҳолиси билан яқинлашиб борсангиз, уларнинг ички дунёсига кириб борсангиз, бу аслида иллюзия эканлигини пайқаб қоласиз. Аслида, Теҳронда одамлар икки хил ҳаёт кечиришади. Жамият кўзи учун ва ўзлари учун. Ўзлари учун яшаладиган ҳаёт ёлғон ҳаёт бўлиб, унда фоҳишалик, гиёҳвандлик, қиморбозлик, спиртли ичимликлардан муккасига кетиш каби иллатлар бошқа йирик шаҳарлардаги каби очилиб боради. Рамита Наваи ўз китобида улкан журналистик маҳорат билан Эронликларнинг ёлғон ҳаётини бизга очиб беради. Сиз турли хил инсонлар тақдирида теҳронликларнинг бахти, ғам-ташвиши, орзулари билан танишасиз. Унда янги олтин авлод қанақа жамиятни орзу қилиши, ҳамма ўзгаришни хоҳлаши, лекин ҳеч ким журъат этмаслигини билиб оласиз. Барча ёлғонлар, барча муаммоларга қарамасдан китоб қаҳрамонлари ўз ватанини севиши, қаҳрамонлардан бири Лондон ўрнига Эронни танлаши, мантиқан ватанпарварлик инсонда ҳар қандай ҳолатда ҳам олий туйғу эканлигини кўрсатади. Китоб давлатда бемаъни таъқиқлар фойдасиз эканлигини, якунда бу янада каттароқ муаммолар олиб келишини кўрсатиб беради. Ўзбек тилига маҳорат билан таржима қилинган бу китоб сизни Теҳронга экзотик саёҳатга олиб кетади. Саёҳатингиз бетдан бетга қизиқарли бўлиб боради. Ушбу руҳий саёҳат сизга ҳаёт ҳақида яхшигина дарсларни бериши мумкин. Хулоса қилиб билсангиз бўлди.

******

Kitobdagi asal hayotni o'qib turib inson shunchalik yolg'onlikka o'rganib qolib keyin haqiqatlar I birma bir o'qiganida yashagisi hayotga qiziqish so'nib qilarkan. insonlar orasida dinga qarash tushunchalari ularni atrofdagi odamlar uchunligi, erkinlikni xoxlaganlar esa, bu odamlar Nima dryishidan uyalish, hukumat bilan xalq ikki tushunchaligi, hukumat o'zini qarashlarini xalqqa majburlab singdirish judaa achinarli holat.

Kitob haqiqatttan ajoyib asar. Haqiqatlar ochiq oydin aytilgan. Muammolar aniq ko'rsatib berilgan. Juda qiziqib o'qidim. Eronning ichki tizimidagi kamchiliklar ko'rsatib beriladi.

shu kitobni zakaz qilgandim vaqtida bo`lmasada keltirishdi. ajoyib kitob. o`qishni tavsiya qiladigan kitoblarim safiga qo`shildi. bu kitob ham.