Эрве Ле Теллье: Аномалия

Asaxiy'дан яна бир ҳаяжонли премьера – узоқ кутилган "Аномалия" китоби ва ниҳоят сотувда!

Nеw York Times Бестселлери ва "Йилнинг энг яхши триллер китоби"

Тасаввур қилинг, ҳеч кимга умрингиз охиригача айта олмайдиган сирларингни энди биладиган бошқа одам бор, яккаю-ягона сизники, ёлғиз сизники бўлган нарсалар энди фақат сизники эмас, Сизга иккинчи марта имкон берилса ҳам ўз ҳаётингизни сақлаб қолишга вақт етмаса, ёки аксинча, ўзингизни ўз қўлларингиз билан ўлдириб, яна яшашда давом этишни қандай ҳис қилардингиз?

"Аномалия" - француз ёзувчиси Эрве Ле Теллье томонидан постмодерн услубда ёзилган, детектив ва психологик драма элементларини бирлаштирган фантастик роман. 

Китоб қисқа муддатда Францияда бестселлерга айланди ва нуфузли Гонкур мукофотини қўлга киритиб, жаҳон эътирофига эришди. Ўшандан бери роман 40 дан ортиқ тилларга таржима қилинган, ўзига хослиги ва кучли сюжети билан китобхонлар ва танқидчилар томонидан олқишларга сазовор бўлган.

Ушбу халқаро бестселлер мураккаб сюжети, жонли ҳикоялари ва чуқур инсоний характерлари билан китобхонни ҳайратлантиради. Шу билан бирга, ўзига хослик, танлов ва воқеликнинг табиатини чуқур ўйлашга чорлайди.

Романда аномалия сабабли қаҳрамонларнинг қадриятлари ва ўзига ишончи синовдан ўтади. Ҳар бир қаҳрамон ҳаётидаги аномалияларни қабул қилиш, улардан сабоқ олиш ва ўз йўлини топишга интилади. "Аномалия" романи ҳаёт мураккаблиги, инсон руҳиятининг хилма-хиллиги ва кутилмаган ҳодисаларга қандай муносабатда бўлиш ҳақида ўйлашга ундайди.



Асарда замонамиз инсонларининг ҳаётидаги ноаниқликлар ва ўз-ўзини англаш жараёнига урғу берилган. Унда мураккаб ижтимоий ва шахсий муносабатлар, инсоннинг ички курашлари ҳамда жамиятдаги аномалиялар ёрқин тасвирланган. Шунингдек, иқтисодий беқарорлик ва муҳожирлик муаммолари ёритилган. Улар қаҳрамонларнинг қарор ва ички курашларида акс этади. 



Ле Телльенинг ўзига хос зеҳни ва адабий маҳорати орқали "Аномалия" тасаввурларингизни шубҳа остига қўяди ва сизни дунё ва ундаги ўз ўрнингиз ҳақида ўйлашга мажбур қилади. Бу шунчаки китоб эмас - охирги саҳифани ёпганингиздан кейин ҳам узоқ вақт давомида хотирангизда сақланиб қоладиган қимматли тажрибадир.

Муаллиф ҳақида

Эрве Ле Теллье - таниқли француз ёзувчиси ва тилшуноси, Оулипо халқаро адабий гуруҳи аъзоси ва тўртинчи президенти ҳисобланади. Ўзининг интеллектуал қизиқувчанлиги ва яратувчанлик характери билан танилган Ле Теллье фантастика, шеърият ва эсселарни қамраб олган кўплаб асарлар ёзган. Унинг асарлари ўзининг қизиқарлилиги, мураккаблиги ва чуқур ғоянини қамраб олиши билан ажралиб туради.

Кафолат берамиз, ўзбек тилида ҳали бунақасини ўқимагансиз.