Nikkolo Makiavelli: Hukmdor mulohazalar (Respublikachilik haqida)

"Hukmdor" - Yevropa uyg'onish davrida yashagan florensiyalik diplomat va faylasuf Nikkolo Makiavellining mashhur asaridir. U o'zining ushbu asarini Florensiya hukmdori Lorenso de Medichiga bag'ishlagan. Kitobning so'zboshisi hukmdorga yozilgan qisqa maktubdir va unda muallif yozish uchun o'z sabablarini tushuntiradi. Mazkur asar hukmdorlarning hokimiyatni qo'lga kiritish va uni saqlab qolish strategiyalarini o'rganuvchi siyosiy risoladir. Asarda yetakchilik, siyosiy realizm kabi boshqaruvga oid muhim mavzular o'rganilgan.

"Tit Liviyning birinchi dekadasiga oid mulohazalar" - Makiavellining yana bir muhim asari hisoblanadi. XVI asrning boshlarida yozilgan ushbu kitobda Tit Liviyning "Ab Urbe Condita" asarining birinchi o'nta kitobi chuqur tahlil qilingan bo'lib, unda Rimning tashkil topganidan to miloddan avvalgi 293-yildagi Uchinchi Samnit urushi oxirigacha bo'lgan davr haqida hikoya qilinadi. Makiavelli o'z mulohazalari orqali respublikachilik, fuqarolik fazilatining ahamiyati, harbiylarning o'mi, hokimiyat va boshqaruv dinamikasi kabi mavzularni hamda Rimning kengayishi, uning hukmronligiga hissa qo'shgan siyosiy va harbiy strategiyalarni o'rganadi. Uning fikrlari nafaqat qadimgi Rimni aks ettiradi, balki zamonaviy siyosiy fikr uchun dolzarb bo'lgan davlat boshqaruvi va yetakchilik haqida ham saboqlar beradi.

Ushbu kitob siyosatshunoslik, tarix va falsafa sohasi bilan shug'ullanuvchi mutaxassislar, o'qituvchilar, tadqiqotchi va olimlar, talabalar, umuman, mazkur masalalarga qiziquvchi barcha kitobxonlar ommasi uchun mo'ljallangan.