Ilhom va iroda to‘plami

Mey Mask: Rejali ayol. Baxtli hayot qoidalari (yumshoq muqova)
Ushbu kitobda mashhur milliarder Ilon Maskning onasi Mey Mask o‘zining murakkab, lekin mazmunli hayoti to‘g‘risida so‘zlaydi. Asarni o‘qib, Mey Mask naqadar mustaqil va jasur ayol ekanidan hayratlanasiz. U o‘zining boy hayotiy tajribasidan kelib chiqib, go‘zallik, sog‘lik, baxt va farzand tarbiyasi sirlarini biz bilan baham ko‘radi. Boy kasbiy va hayotiy tajribaga ega Mey Mask nafaqat ayollar, balki erkaklar uchun ham muvaffaqiyatli inson namunasidir. Uning hikoyasi bizni to‘kis va erkin yashashga, dunyo ko‘rishga hamda mudom yangi imkoniyatlar izlashga ilhomlantiradi. Ehtimol, turmushimizdagi ayrim to‘siqlarni yengishda, zerikarli bir xillikdan xalos qilishda Mey Maskning tajribasi asqatar... 


Mishel Obama: Mening hikoyam
Dunyoning eng nufuzli ayollaridan biri - AQSHning ilk afroamerikalik birinchi xonimi Mishel Obama bu kitobda o‘z hayotining eng samimiy, insoniy va ilhomlantiruvchi daqiqalari bilan o‘rtoqlashadi. "Mening hikoyam" - bu kuchli ayol qanday shakllangani, qanday qarorlar ortidan bugungi darajasiga yetgani, qanday orzular uchun kurashgani haqidagi chuqur, hayotiy va ilhomlantiruvchi hikoya hisoblanadi.


Tara Vestover: Talaba
Tara ajabtovur muhitda ulgʻaygan. Dadasi mormon eʼtiqodiga sodiq, dinni hamma narsadan ustun koʻruvchi odam. Onasi esa doyalik qilib, giyohlardan damlamalar tayyorlash bilan shugʻullanadi va har qanday kasallikni, hatto saratonni ham dori-darmonlarsiz davolay olishini daʼvo qiladi. Tara oiladagi boshqa farzandlar kabi tashqi dunyodan ihotalab qoʻyilgan, davlat maktabida oʻqimagan va faqat ota-onasining raʼyiga koʻra tarbiya topgan. Lekin unda, akasi Taylerning beqiyos xizmati bilan, taʼlimga nisbatan qiziqish uygʻonadi va shu narsa uning hayotini butkul oʻzgartirib yuboradi.