Abu Homid G‘azzoliy: Ihyou Ulumiddin. Dunyoni anglash kitobi

«...Donishmandlardan biri dedi: «Dunyodagi biron narsa hech qachon seniki bo‘lib qolmaydi, sendan oldin ham uning egasi bor edi va sendan keyin ham egasi yetib keladi. Dunyodan faqat kechki taom va kunduzgi nonushtangni olasan, halos. Sen shuni deb o‘zingni halok etma. Dunyodan tiyil va oxiratda iftor qil. Dunyo va havoyu nafsning sarmoyasi do‘zaxdir...»

Oyati karimalar Qur’oni Karim ma’nolarining tarjima va tafsiridan olindi. Tarjima va izohlar muallifi: Shayh Alouddin Mansur

Shayx Muhammad Sodiq Muhammad Yusuf: Iymon (lotin)

«...Allohning borligiga eng ulkan dalillardan biri galaktikamizdir. O‘zimiz yashab turgan Yer va uning atrofidagi son-sanoqsiz yulduzlar haqida fikr yuritib, o‘ylab ko‘rsak, kishini hayratga soladigan darajada ajoyibotlarni ko‘ramiz. Ularga insof bilan nazar solgan kishining qalbida yaratuvchining ulug‘ligiga bo‘lgan iymon-ishonch ziyoda bo‘lmasdan iloji yo‘q. Qurʼoni Karimdagi ko‘pgina oyatlar ham insonni mana shu borliqning yaratilishiga, osmonu yerga nazar solib, fikr yuritishga va ularning sirlarini bilib, o‘zining iymonini baquvvat qilib, shak-shubhalarini o‘zidan yiroqlashtirishga chaqiradi....»
 

Shayx Muhammad Sodiq Muhammad Yusuf: Baxtiyor oila (lotin alifbosida)

Ushbu kitob Islom dinining oilaviy munosabatlarga oid ahkomlarining keng va batafsil sharhi bo‘lib, musulmon kishi oilaviy hayotga oid bilishi lozim bo‘lgan barcha masalalarni o‘z ichiga oladi. Kitobda insonga ikki dunyo saodati yo‘lini ko‘rsatib bergan Islom dinining baxtli, saodatli oila qurish, er-xotinning huquqlari, burch va majburiyatlari, ota-onaga, qaynota-qaynonaga munosabat, kelin va kuyov tanlash, aqiyqa, farzand tarbiyasi, silai rahm, taloq, idda va shu kabi ko‘plab dolzarb mavzulardagi taʼlimotlari orqali bugungi kunda qator muammolar muhokama qilinadi, oyatlar, hadislar hamda salaf solihlarning hayoti misolida musulmonning baxtli oilaviy hayot dasturi ko‘rsatib beriladi.