Birgalikda arzon! Yashamoq + Yapon zobiti

Ato Hamdam, Leonid Chigrin: Yapon zobiti. Yutaro Todaning asirlikda boshdan kechirganlari
Roman 1904-1905 yillardagi rus-yapon urushi paytida Koreya qirg‘oqlarida kema halokatga uchragan yapon dengiz floti ofiseri Yutaro Toda haqida hikoya qiladi. U hayoti davomida turli og‘ir sinovlarni boshdan kechiradi va kuchli irodasi, sabri, vaziyatga tez moslashib qaror qilishi, taslim bo‘lmasligi bilan kitobxonga namuna bo‘ladi. Roman Todaning hayotiy tajribalari haqida bo‘lib, urush, madaniyat to‘qnashuvi va omon qolish mavzularini keltiradi. Roman o‘zining tarixiy aniqligi, hayajonli syujeti va koreys manzarasining yorqin tasviri uchun yuqori baholangan.

Yuy Xua: Yashamoq
Ko‘plab kitobxonlarimiz o‘qishga ham ulgurgan, sahifalarimizdagi  iqtiboslariyu, taqrizlari bilanoq sizni qiziqtirib qo‘ygan «Yashamoq» kitobini olishga ulgurdingizmi?
Ba’zi kinolardagi kabi boshlanma bilan boshlashga arzigulik asar. "Yuragida muammosi borlarga o‘qish ta’qiqlanadi"

O‘g‘limni tuproqqa topshirishim kerak edi, biroq undan ajrala olmayotgandim. Ota-onamning qabrlari poyiga cho‘kdim va Yuchinni bag‘rimga bosdim uni yerga qo‘yolmayotgandim. Asta yelkamga suyadim, yuzlari ham qotib qolgandi, xuddi yelkamda bir parcha muz turgandek go‘yo ....

Kechki shamol barglarni to‘zg‘itar, o‘g‘limning tanasi qirovdan nam bo‘lib ulgurgan edi. Bugun ertalab maktabga ketayotgandagi holati ko‘z oldimda shundoqqina turibdi: yugurgilab borar ekan, yelkasidagi sumkasi bir yuqoriga, bir pastga sakrardi. Yuchin endi bir og‘iz ham so‘z ayta olmasligini yoki maktabga yalangoyoq chopib bormasligini o‘ylash yuragimga tig‘dek botardi. Yig‘layverib ko‘zimning yoshi qurib qoldi ....