Tursun Ali: Tanlangan asarlar II

Taniqli shoir, tarjimon Tursun Ali ijtimoiy, ishqiy, falsafiy mavzulardagi she’rlarida Vatan, tabiat, jamiyatning o‘z qismati dagi o‘rnini chuqur his etgan holda o‘zining odam va olam taqdiri, sha’ni, shukuhi yo‘lidagi maqomini ham anglaydi. Tananing qo‘zg‘ali shida jon suvratini, changu g‘uborlarning charx urishida shamol sha moyilini, ko‘zyoshida qayg‘uning, tabassumda shodlikning rangini ko‘ rish, g‘oyibona qudratini his etish va so‘z orqali ularni ma’lumu noma’lum fikr, manzara, holat, kayfiyatga bo‘ysundirish Tursun Ali ijodiga xos fazilatlardan biridir. «Yuragining qon tomirlariday yo‘llar» uni «ko‘zlarida sog‘inch ingragan, ayriliq gullagan» bolali gining g‘amgin ko‘chalariga, ayqash-uyqash taqdirlar turbatiga bosh laydi. Uning bu manzillardagi tavofi ham o‘ziga xos: Sara so‘zlarda jonlangan ichkin ranglar suvrati, ruhiy holatlar, qalb manzarala ri mavjud fojiaviylik bilan qorishib, shuuringizda uzoq muddat saqlanib qoladi. Bu, xuddi yuragida ulg‘aygan dardu azoblari har qan day shaxsiy manfaatlardan, hasratzadalikdan, dunyoviylikdan xoli bo‘lgan solih taqvodorning astoydil qilgan munojoti, buzilmagan ibodatiga mengzaydi.