Shayx Muhammad Sodiq Muhammad Yusuf: Naqshbandiya: vazifalar, zikrlar

Ushbu risoladan Islom olamida eng mashhur bo‘lgan, tasavvuf dunyosida eng keng tarqalgan naqshbandiya tariqatining mohiyati, tarixi, uning tasavvuf olamida tutgan o‘rni haqida eng kerakli maʼlumotlar o‘rin olgan.

Asarda hazrati Muhammad Mustafo sollallohu alayhi vasallamdan boshlab, mashhur sahobai kiromlar, tobeʼinlar, so‘ng Boyazid Bistomiy, Buxoroning yetti pirlari, Bahouddin Naqshband, Xoja Ubaydulloh Ahror, Imom Rabboniy kabi tariqatning ulug‘lariga bo‘lgan tabarruk silsila – tariqat silsilasining har bir bo‘g‘inida turgan zotlarning qisqacha tarjimai holi bayon qilingan. So‘ng naqshbandiya tariqatidagi uch yo‘l – Alloh taoloning zikrida bardavom bo‘lish, muroqabada bo‘lish va murshidga itoatda bo‘lishning bayoni keltirilgan. Risolaning davomida esa naqshbandiyaning o‘n bir asosli dasturi, zikrning foyda va samaralari, zokirning odoblari, muhosaba kabi muhim masalalar yoritib berilgan.

Shundan so‘ng amaliy ko‘rsatmalarga o‘tilib, naqshbandiya tariqatidagi kundalik vazifalar, virdlar va ularning tafsiloti, dalil-hujjatlari, turli munosabatlarga oid zikrlar tavsifi berilgan. Risola yakunida esa xatmi xojagon, uning tartibi, odobi va uni ado etishga oid maʼlumotlar keltirilgan.