Omina Shenliko'g'li: 500 yildan so'ng

Borliqni biror namunaga qaramay yaratgan shoni ulug‘ Allohning nomi bilan boshlayman.

Muhtaram o‘quvchim, qo‘lingizdagi kitob mening fantastika janridagi ilk kitobim. Yana "Robot ish tashladi", "Dunyoni hayvonlar bosdi" kabi fantastik asarlarim navbatda turibdi.

Mazkur kitob bundan besh-olti yil oldin yozilgan. Adib birodarimiz Ismoil F. Jeylan falon nashrlar tinmay kitobingizni so‘rayapti, deb iltimos qilavergach, asarimni berdim. Lekin yillar o‘tsa ham, chop etishmadi. Bu orada kitobdagi ayrim o‘ylab topilgan narsalar haqiqiy hayotda yuz berib bo‘ldi.

Hali juda kichikligimda, hali birorta tunnel ko‘rmaganim holda dengiz ostidan Kadiko‘yga shunday yo‘l o‘tkazsa bo‘lmasmikan, deb o‘ylardim. Qisqasi, o‘sha nashriyot topilmalarimni uvol qildi...

Oxirgi marta ham shavq bilan o‘qidim. Hali o‘z yurtimda ham nashr etilmagan bu asarni, inshoolloh, siz ham shunday shavq bilan mutolaa qilasiz.

Amina Shenlikog‘lu 04.01.2021, Istanbul

Ushbu kitob ko‘plab asarlari bilan o‘quvchilar ko‘nglidan joy olgan turk adibasi Amina Shenliko‘gli qalamiga mansub. Ammo bu asar boshqalaridan o‘zining mavzusi, yo‘nalishi bilan farq qiladi. Yozuvchi bu asarida fantastik tasavvurlar orqali kelajakda insoniyat orasida qanday o‘zgarishlar, yutuq va yo‘qotishlarni tasavvur qiladi.