Obiddin Mahmudov: Farzandnoma +disk

Axloq-odob – mustahkam zaminda vujudga keladi, yuksaladi... Mustahkam zamin, bu – donishmand bobo-momolarning ko‘p ming yillik axloqiy- ruhiy, hayotiy tajribalari, maʼrifatli ota-onalarning maqbul tarbiyasi, munavvar fikrli ustozlarning ilmu hikmatga boy taʼlim-o‘gitlari, zakovat xazinasi bo‘lmish azizu fozillarning ulkan maʼnaviy ibrati, adolat va yurtparvar yo‘lboshchi, rahbarlarning samimiy yo‘l-yo‘riqlari hamda saxovatpesha zotlarning ko‘rsatgan xolis yordamidir. Bunday sog‘lom muhitda voyaga yetgan yosh avlodning, turgan gapki, odobi go‘zal, bilimi chuqur, tafakkuri yuksak, mushohadasi keng, masʼuliyatni teran his etadigan, muhimi, jamiyat ravnaqiga xizmat qiladigan komil inson bo‘lib shakllanadi.

Ushbu kitob farzand tarbiyasi va uning kamoloti uchun befarq bo‘lmagan ota-onalarga, ustoz murabbiylarga, qolaversa, insoniyatning maʼnaviy yuksalishi yo‘lida jon kuydirayotgan fidoyi, zahmatkash ziyolilarga mo‘ljallangan. U siz va zurriyotlaringiz sevib o‘qiydigan asarga aylanadi, deb umid qilamiz.