Nikkolo Makiavelli: Hukmdor (qattiq muqova)

Nikkolo Makiavellining “Hukmdor” asari o‘rta asrlarda yaratilgan bo‘lib, bugungi kungacha siyosatchilar, jamoat arboblari,tadqiqotchilar va falsafaga qiziquvchilarni o‘ziga jalb qiladi. Yozuvchi o‘z davlat tuzilishi, uni boshqarish tamoyillari, xalqqa qanday munosabatda bo‘lish haqida tavsiyalar bergan va fikrlarini bayon etgan. Kitobda maʼlum va mashhur shaxslar, hukmdorlar, tarixiy voqealar, davlat arboblari hayotidan ko‘plab misollar keltirgan, shu bois u hamma davrlarda o‘ziga xos qo‘llanma sifatida o‘rganib kelingan.

Harbiy nazariyotchi kuchli davlatning kuchli hukmdori o‘ziga ishonishi, dadil qaror qabul qilishi, adolatga tayangan holda vaziyatga moslashishi kerak deb biladi va xuddi shu fazilatlar, Makiavellining fikricha, hukmdor yuritayotgan siyosatning muvaffaqiyatini tashkil qiladi. Asar o‘ta jiddiy mavzuga bag‘ishlanib, unda o‘ta jiddiy masalalar muhokama qilingan bo‘lsada, yengil hazil-mutoyibaga ham yo‘g‘rilganki, kitob bundan besh asr ilgari emas, ayni bizning zamonamizda yozilganga o‘xshaydi.