Beshtasi birda va yetkazib berish tekin! (139,000)

1. Oldos Haksli: Ajib yangi dunyo

Oldos Hakslining jahon adabiyotida chuqur ahamiyat kasb etgan shoh asari “Ajib yangi dunyo“da tengsizlik hukm suruvchi, texnologik rivojlangan kelajakni taftish qiladi. Bu mamlakatda odamlar avtoritar boshqaruv tizimiga xayrixoh boʻlishi uchun genetik yoʻl bilan koʻpaytiriladi, ijtimoiy jihatdan moslashtiriladi hamda farmatsevtik yoʻl bilan kuchsizlantiriladi. Bularning bari insonni erki, odamiylik qiyofasi va, ehtimol, qalbidan mahrum qiladi.

Benazir isteʼdod egasi boʻlgan Haksli bir vaqtning oʻzida ham sanʼatkor, ham ruhshunos, ham inson tabiati va taraqqiyotining eng yorqin taftishchilaridan biri edi. Uning durdona asari – “Ajib yangi dunyo” millionlab oʻquvchilarni hayrat va vahimaga soldi, bizni ogohlantiruvchi, oʻyga toldiruvchi ajoyib badiiy asar oʻlaroq, bugungi kungacha oʻz ahamiyatini yoʻqotmadi.

2. Svetlana Aleksiyevich: Chernobil tavallosi

«Vahima uyg‘otmaslik» maqsadida Chernobil fojiasi haqida ogohlantirilmagani tufayli hodisaning beayb qurboniga aylangan beloruslarning kechmishi butun insoniyat oldiga ana shu savollarni ko‘ndalang qo‘ydi.

Bu halokatdan so‘ng odamlar o‘z tarixi, bugunini taftish qilib ko‘rdi, natijada ko‘plab achchiq haqiqatlar yuzaga chiqdi. Chernobildagi atom stansiyasi portlashi nafaqat texnogen falokat, balki fuqarolarini tashqi dunyodan uzib, «tikan sim ichida» yashashga majbur qilgan ulkan saltanatning ham halokati ekani ayon bo‘ldi.

3. Jerom Selinjer: Javdarzordagi xaloskor

Jerom Selinjerning “Javdarzordagi xaloskor” romani 1945–1946 yillarda seriyali shaklda qisman nashr qilingan, 1951 yili alohida kitob bo‘lib chiqqan. Asar ko‘plab tillarga o‘girilgan. Shu kungacha 65 million nusxada sotilgan. 2005 yili “Time” jurnali asarni 1923 yildan boshlab ingliz tilida yozilgan 100 ta eng yaxshi romanlar ro‘yxatiga kiritgan. “Modern Library” nashriyoti esa romanni XX asrning 100 ta eng sara asarlari qatoridan joy olishga loyiq topgan. 2003 yil BBCning “The Big Read” (“Eng ko‘p o‘qilgan”) so‘rovnomasida u 15-o‘rinni egallagan. Asarda beparda so‘zlar ko‘p uchragani bois bir qancha mamlakatlarda, jumladan, AQSH maktablarida ham keyinchalik tanqidga uchragan va uzoq yillar nashr etilishi taqiqlangan. “Javdarzordagi xaloskor” ko‘p bora syenzuraga uchragan bo‘lishiga qaramay, AQSH maktablarida eng ko‘p o‘qitilgan asarlar ro‘yxatida 2-o‘rinda turadi (1-o‘rinni Jon Steynbekning “Sichqonlar va odamlar haqida” novellasi egallagan).
Asarning bosh qahramoni Holden Kolfild o‘smirlarning sarkashligi, isyoni timsoliga aylanishga ulgurgan. Roman, shuningdek, ma’sumlik, asillik, o‘zlik, yo‘qotish, daxldorlik, intim va tushkunlik kabi murakkab masalalarga ham tegib o‘tadi.

4. Ramita Navai: Yolg‘onlar shahri

U shunday shaharki, odamlar o‘zlarining asl istaklarini pinhon tutishga, din va anʼana talablariga muvofiq yashayotganini ko‘rsatishga majbur. Bu shaharda yashash uchun yolg‘on gapirish kerak. Bu yerda yolg‘on so‘zlash hayot va mamot masalasidir. Bu shahar ahli diniy majburiyatlar yuk va samimiy insoniy istaklar o‘rtasida sargardon kezadi. Bu shahar Tehron, Eron Islom Respublikasining poytaxti. «Yolg‘onlar shahri» bugungi Tehronning unutilmas manzarasini chizib beradi. Bu kitob tehronliklar tuzumning shafqatsiz bosimi ostida qanday yashayotgani, tuyg‘ulari, shodligu iztiroblarini qanday ifodalayotgani, umuman, turfa xil insonlar taqdiri haqida hikoya qiladi.

5. Teodor Drayzer: Sarmoyador

Bir necha kunda millioner bo‘lish mumkinmi? Shu bilan insonning istaklari poyoniga yetarmikan?

Qo‘lingizdagi kitob - “Sarmoyador”ning bosh qahramoni Frenk Kaupervud o‘zining savqi tabiiysiga quloq tutib, bir necha kunda chindan boyib ketadi. Unda o‘smirligidanoq atrofdagilar taʼsirida savdogar va birja o‘yinchisi ruhiyati shakllangandi. Tashabbuskor, iqtidorli va serg‘ayrat yosh yigit asta-sekin hech qanday tamoyilni tan olmaydigan, o‘z hukmini o‘tkazuvchi ochko‘z millionerga aylandi-qoldi. Ammo hayot bir tekis emas, uning uchun kutilmagan og‘ir sinovlar hali oldinda edi...

Kitob eng yaxshi sovg‘a. Yaqinlaringiz kitob o‘qishiga sababchi bo‘ling.

To‘plam atigi 139.000 so‘m turadi🤩

📌 Shoshiling, aksiya muddati cheklangan!