Adham Sharqoviy: Tungi suhbatlar

Ijtimoiy tarmoqlar sababli butun dunyo xalqlari xayoti o‘zgardi. Real hayot voqeligi bir lahzada virtual olamda aks etmoqda. Virtual maydonda tarqalgan kayfiyat esa real hayotga ham ko‘chyapti. Bu insoniyat tarixidagi yangi bosqich. Nima uchun buni aytmoqdamiz? Chunki qo‘lingizdagi kitob - «Tungi suhbatlar»ning bir qismi mohir tarjimon, alloma ijodkor Abdulqodir Samarqandiy (Abdulqodir Polvonov) tomonidan o‘zbekchaga ag‘darilib, telegram tarmog‘ida eʼlon qilingan. Ko‘pchilik maʼrifat muxlislari bu oltinday qimmatli bitiklardan bahramand bo‘lishgan. Ammo telegram boshqa, kitob mutlaqo boshqa. Kitob o‘qish uchun kitob va oyning shuʼlasi bo‘lsa kifoya. Irfon ixlosmandlari, kitob shaydolari «Tungi suhbatlar»ni intiq kutayotgan edilar. Marhamat, suhbatdoshingiz bilan yuzlashing, u bilan tunlar davomida qayta-qayta sirlashing. Aminmizki, xayotiy xikoyalar va ulardan chiqarilgan saboqlar qalbi uyg‘oq har bir insonni yangi kashflar sari boshlaydi, uyg‘onishga ishtiyoqmand ko‘ngillarning ko‘zidan esa uyquni qochiradi.