Abdulfattoh Abu G'udda: Musulmonning 35 odobi (yumshoq muqova)

Ushbu kitobda islom dini ko‘rsatmalariga asoslangan go‘zal odob-axloq, taʼlim-tarbiya, insoniylik fazilatlarini boyitishga xizmat qiluvchi hamda inson ruhiyatini kamolotga yetkazuvchi go‘zal namunalar o‘rin olgan. Shuningdek, asarda jamiyatning eng muhim bo‘g‘ini hisoblanmish oila, uning mustahkamligini taʼminlovchi omillar, yoshlarni odobli, hayoli qilib tarbiyalash, farzandlar maʼnaviyatiga tajovuz qilishi mumkin bo‘lgan "ommaviy madaniyat" ko‘rinishlari, ularning salbiy taʼsirlaridan saqlanish yo‘llari bayon qilingan. Bundan tashqari, millatimizga xos bo‘lgan qo‘shnichilik, mehmondorchilik, taʼziya, to‘y-hasham, kasalni ziyorat qilish, suhbatlashish, kattalarga hurmat, kichiklarga izzat, bir so‘z bilan aytganda, ajdodlarimizning boy meroslari asosida shakllangan go‘zal odoblar batafsil yoritilgan.

Kitob keng kitobxonlar ommasiga mo‘ljallangan bo‘lib, undagi purmaʼno, yuksak odoblar o‘quvchilar maʼrifatini yana-da boyitishga xizmat qiladi, degan umiddamiz.