Тара Вестовер: Талаба (Қаттиқ муқова)

Тара ажабтовур муҳитда улғайган. Дадаси мормон эътиқодига содиқ, динни ҳамма нарсадан устун кўрувчи одам. Онаси эса доялик қилиб, гиёҳлардан дамламалар тайёрлаш билан шуғулланади ва ҳар қандай касалликни, ҳатто саратонни ҳам дори-дармонларсиз даволай олишини даъво қилади. Тара оиладаги бошқа фарзандлар каби ташқи дунёдан иҳоталаб қўйилган, давлат мактабида ўқимаган ва фақат ота-онасининг раъйига кўра тарбия топган. Лекин унда, акаси Тайлернинг беқиёс хизмати билан, таълимга нисбатан қизиқиш уйғонади ва шу нарса унинг ҳаётини буткул ўзгартириб юборади.

Вестоверлар оиласи кўп фарзандли эканига қарамай, мактаб автобуси уларнинг хонадонини четлаб ўтади. Бунингжиддий сабаби бор: у оилада ҳеч ким мактабга бормайди. Мутаассиб ота ва у чизган чизиқдан чиқмайдиган она давлат таълимига «мияни ювиш» воситаси сифатида қараб, фарзандларини уйда олиб ўтиришга, уларни мормон қадриятларига мувофиқ тарбиялашга тиш-тирноғи билан ҳаракат қилади. Етти нафар боланинг тўрттасида ҳатто туғилганлик ҳақида гувоҳнома ҳам йўқ. Шундай биқиқ ва ғалати муҳитда туғилган Таранинг келажаги гўёолдиндан тайин эди: мормон қадриятларига мос равишда тарбия топиб, улғайгач, онаси каби доя бўлиб етишиши ва мормон йигитга турмушга чиқиши керак эди. Аммо тақдир чархпалаги тамоман тескари айланиб, илмга чанқоқ буқизнинг ҳаёти буткул ўзгариб кетади.

Тара Вестовернинг «Талаба» асари унинг илм йўлидаги саёҳатини жонли тарзда тасвирлаб беради. Тара Вестовер ўз ҳикояси орқали чидамлилик ва таълим кучини кўрсатади ҳамда ўтмиш қолипларидан чиқиб ўзни қайта кашф қилишга илҳомлантиради.

"Ажойиб ҳикоя ва ҳақиқатан ҳам илҳомлантирувчи. Бу сиз эшитганингиздан ҳам яхшироқ."

- Билл Гейтс

"Юракни ларзага келтирувчи. . . таълимнинг кўзни очиш ва ҳаётни ўзгартириш қудрати ҳақида ажойиб васият."

- Эми Чуа, The New York Times Book Review

Ушбу китоб Халқ банки билан ҳамкорликда чоп этилди.