• Email: info@asaxiy.uz
  • При покупке на сумму более 150 000 сум доставка по Ташкенту - бесплатно

Ден Браун: Рақамли қалъа (18+) (Юмшоқ муқова)

25 000 сум 30 000 сум
  • Модель: Braun
  • Наличие: Есть в наличии

 

Қўлингиздаги китоб замонавий жаҳон адабиётининг энг машҳур ёзувчиларидан бири, бутун дунё бўйлаб 300 миллиондан ортиқ нусхада китоб сотган Ден Брауннинг “Рақамли қалъа“ романидир. Ушбу роман Ден Брауннинг илк романи бўлиб, асар шу заҳоти Ден Браунга бутун дунёга машҳурликни олиб келади. Бугунги кунда Ден Барун “New York Times“ нашри томонидан бир неча бор дунёнинг энг машҳур 100 инсони сифатида эътироф этилган ва унинг асарлари доим дунёдаги янги бестселлерлар рўйхатида энг биринчи ўринларни эгаллаб келмоқда. Айни вақтда йиллик 156 миллион АҚШ доллари даромад билан, Ден Браун жаҳонда энг кўп даромад қиладиган ёзувчилардан бири ҳам ҳисобланади. Унинг бошқа бир “Да Винчи коди“ номли асари ўзбек китобхонларига яхши таниш.

 

«Рақамли қалъа» романи адибнинг илк романи бўлиб, асар 1998-йилда ёзилган. Асарнинг ёзилишига Ден Браун ҳаётда ўзи гувоҳи бўлган воқеа сабаб бўлади. Ден Браун ўзи дарс берадиган Университетдаги талаба дўстига электрон почта орқали ҳазиллашиб АҚШ президентига суиқасд қилмоқчи эканлигини ёзганлигидан сўнг АҚШ “Миллий хавфсизлик агентлиги“ ходимлари томонидан қўлга олинади. Миллий хавфсизлик агентлиги энг сирли агентликлардан бири бўлиб, унинг вазифаси фуқароларни кузатиб боришдир. Бу вазият уни қизиқтириб қўяди ва у электрон хавфсизлик ҳақида асар ёзишга қарор қилади. Уйига келиб асарни ёза бошлаган пайтда электрон почта орқали вирус келиб, компютерининг қаттиқ диски куйиб қолади. Бундан хавотир олган Ден Браун “Миллий хавфсизлик агентлиги“ ва ундаги довюрак разведкачилар ҳақида шов-шувли китобни чоп этади. 

 

Асарда рақамли хавфсизлик, ватан хавфсизлиги йўлида ишлайдиган жасур шахсларнинг ҳаёти, улар учрайдиган хавф масалалари кўтарилган. Ушбу асарда ҳам ватанпарварлик, ҳам эҳтиросли севги, ҳам қизиқарли маълумотлар, ҳам сизни ўз дунёсига саёҳат қилдирадиган ажойиб сюжетни топасиз. Асар воқеалари АҚШ, Испания, Япония каби мамлакатлар ҳудудида ўтиши, воқеаларнинг тез ва кутилмаган ривожи сизни ўзига мафтун қилади. 

 

Умид қиламизки, Ден Брауннинг содда ва қизиқарли ўзига хос реалистик услуби ўзбек китобхонларига маъқул келади. 

 

Китоб ҳақида тўлиқ маълумот: 

Нашриёт: Ниҳол 

Таржимон: Ғуломова Орифа Рустамжоновна 

Бетлари сони: 480 

Бош муҳаррир: Н.А. Нурмуҳаммедова 

Мусаҳҳиҳ (корректорлар): Э.Асанов, О. Бекмуродов, Ў. Толибжонов, М. Ғафуров, Н.Нурмуҳаммедова 

Дизайнер: Нуржахон Фармонов

Жасурбек Авазов 06-05-2019

Девид Беккер, Сюъзан Флетчер. Ажойиб асар

Olim Qosimov 09-05-2019

Man o'qigan eng qiziqarli kitob. Hali birorta kitobni bunaqa tez, ichiga kirib ketib o'qimagan edim. O'qish jarayonida asar qahramonlari bilan birga yashadim desam ham bo'ladi. Hatto uyqu va Barselonaning o'yinidan voz kechib ertalab to'rtda tugatdim va tugatganimga, kitobni tez o'qib qo'yganimga, lazzatdan uzoqroq bahra olmaganimga afsus qildim. Kitob voqealari odamda juda kuchli intriga uyg'otadi. Yomon tomoni haqida aytsam, kitobdagi 2-3 bet joydagi 18+ sahnalari, tarjimani boricha qilmasdan, yumshatib qilish kerak edi. Servisga gap bo'lishi mumkin emas, buyurtmadan 2 kun o'tib yetib keldi Qarshiga.

Shohsanam O'ktamova 21-05-2019

ABJAOSYAIR shifrni yechishga harakat qilib ko'ring) ,,Raqamli qala" asaridan keyin gaplarni shifrlashni o'rganib oldim) asar juda shiddatli bir nafasda o'qiladi. Samimiy tuyg'ular. Yillar davomida aytilmagan muhabbat va unga erishish uchun qurbon qilingan insonlar. Insoniyat aqlini kuchi va asosiysi Amerika ichki ishlaridagi maxfiy malumotlar haqidagi juda qiziqarli asar.

Abdu Abdu 10-05-2019

Рақамли қалъа одатий бест-селлер асарлар каби енгил ва қизиқ қилиб ёзилган. Асарни ўқиган китобхон хукумат томонидан инсонни кузатиш шахсий дахлсизлик ва инсон хуқуқларига қанчалик зид ёки тўғрилиги хақида ўйланиб қолади. Китобхон учун бир томонда мамлакат хавфсизлиги, бошқа томонда эса хукуматнинг виждонидан шубхаланиш асар қахрамонларининг тирик қолиш-қолмаслигидан кўра бахслироқ манзарадир. Асар таржимаси эълон қилинганида тақид остига олинган эпизодлар китобхонни бу мулохазалардан толиқиб қолмаслигини таъминлайди. Шунингдек асарда баъзи инсонларда учраб турадиган ғаламизлик ва ахборот асрига хос сиёсий ўйинлар тасвирлангани китобхонни хеч қачон огохликни йўқотмасликка чақиради. Хаваскор дастурчи сифатида шуни айта оламанки муаллиф соха хақида муфассалроқ билимга эга бўлганида асар янада яхшироқ бўлиши мумкин эди. Бундан ташқари баъзи қахрамонларни нихоятта билимли бўлишларига қарамай оддий нарсаларни пайқамасликлари менга эриш туюлди.

Sh Kadirov 01-11-2019

Bu asar Den Braunning qolgan asarlari kabi bir nafasda o'qiladigan kitoblar sirasiga kiradi. Judayam qiziqarli, voqealar rivoji ajoyib, kutilmagan o'zgarishlar hamma hammasiga gap yo'q. Lekin hardoimgidek Amerika haloskor! Nimagadir Braun yevropaning qadimiy shaharlarini ma'qul ko'radi. Den Braunning "Da Vinchi kodi", "Inferno" va eng so'nggi asarlaridan biri "Kelib chiqish" asarini o'qib chiqishni tavsiya qilaman.

Niyetbay 04-11-2019

Shu asarning elektron nusxasi bormi bor bo'lsa qayerdan topsak bòladi - Salom, Google Play orqali "Asaxiy Books" elektron kitoblar dasturini ko'chirib olasiz.

Farukh 03-03-2019

Samarqandga yetkazib berish bormi? - Salom, albatta Fargo express pochtasi yoki O'zbekiston pochtasi orqali yetkazib beriladi. Yetkazib berish narxi 5000 so'm.

Гўзал Қодирова 03-03-2019

ассалому алайкум. Китобни Тошкент вилояти худудларига хам етказиб бериш хизмати мавжудми? - Salom, ha, bor. O'zbekiston pochtasi orqali yetkazib beriladi. Yetkazib berish narxi 5000 so'm.

Abdurahmon 13-01-2019

Assalomu alaykum. Yakshanba kuni ishlisilami. - Salom, ha, albatta. Hamza metrosi, Oltin Markazi, 3-etaj. Yetkazib berish xizmati ham ishlaydi.

Ma'rufjon Ochilov 22-01-2019

‘‘O‘lim barcha sirlarga oydinlik kiritadi‘‘ Butun boshli ‘‘film‘‘! Odamni eng so‘nggiga qadar hayajonda ushlab turadigan, o‘qish davomida miyaning chap yarimsharlarini ishlatib turishga majburlaydigan asar. Asar boshidan to oxiriga qadar kodni izlaysiz. Kriptografiyaga qiziqishni oshirdi. Asarda nafaqat kriptografiya, balki siyosiy o‘yinlar, yashirin ma‘lumotlar, qaysidir ma‘noda muhabbat ham mohirlik bilan ochib berilgan. Asaxiy books loyihasi doirasidagi ikkinchi asar. Den Braunning ‘‘Raqamli qal‘a‘‘ asari hayajonga sola oldi. Sevimli 5 ta asarim ichiga kirdi. Asar atrofida aylangan mashmashalarga e‘tiborni qaratish kerak emas, menimcha. Chunki o‘sha ochiq sahna deyilgan joylar bevosita asarning shiddatli voqealari ichida diqqatni tortmaydi. Asar mohiyatida kriptografiya, siyosat, psixologiya va muhabbat borki, biz u narsaga ahamiyat ham bermaymiz. Xullas, asar menga judayam yoqdi. So‘nggidagi shiddatli voqealar esa davleniyamni ham oshirayozdi ))) Tavsiya qilaman o‘qishni !

Давлатер Худойберганов 06-05-2019

Жуда яхши китоб экан, Ден Браун.

Диларом Кадирова 21-05-2019

Укиб роса маза килдим.Сизларга хам.тавсия киламан.

O'tkir 26-08-2019

Menga kitob yoqdi, 6 kunda tugatdim va kerakli xulosalar oldim bu kitobdan.Sizlarga raxmat bestseller kitoblarni tarjima qilayotganlaring uchun, charchamanglar yana kutib qolamiz eng yaxshi kitoblarni tarjimalarini!

Оставить отзыв

Напоминание: HTML не работает !
    Плохо           Отлично