Жорж Р. Р. Мартин: Қироллар тўқнашуви

Жорж Р.Р. Мартиннинг «Муз ва Олов қўшиғи» эпопеяси таркибига кирувчи «Қироллар тўқнашуви» романи замонавий эпик фентези жанрининг юксак намунасидир. У «Қаҳрамонлик достонлари» ҳақидаги ўқувчи тасаввурини тубдан ўзгартириб юборади.

Бу гал «Тахтлар ўйини» китобида барчамизга қадрдон бўлиб қолган қаҳрамонлар билан саргузаштларни давом эттирамиз, уларнинг қувонч ва қайғуларига шерик бўламиз. Муаллиф анъанавий «эзгулик ва ёвузлик кураши» қолипларидан воз кечиб, китобхон эътиборига ҳокимиятнинг турфа табиати, сиёсий амбициялар ва инсоний фожиаларни ҳавола этади. Асарда жамият ва шахс муносабатларининг чуқур таҳлили ҳам баён этилган бўлиб, унда ҳар бир қарорнинг оғир бадали борлиги шафқациз мисоллар оргали очиб берилади. Табиийки, ёзувчига хос хусусият - тугалланмаганлик ва сир кетидан сирлар шодаси - ушбу китобнинг ҳам қатларига сингиб кетган. Мартин сеҳр-жодуни сиёсий ўйинларга усталик билан уйғунлаштиради. Бир сўз билан айтганда, «Қироллар тўқнашуви» - дунёқарашни олис уфқлар сари кенгайтирувчи, инсоннинг шафқациз ҳамда зиддиятли табиати ҳақида ўйлашга мажбурловчи муҳташам санъат асари сифатида баҳоланади.

Таржимада «Бантам Боокс» (АҚШ) нашриётининг 2015-йилда чоп этилган махсус нашри асос қилиб олинди.