Жорж Оруэлл: 1984 (Yoshlar matbuoti)

"1984" Жорж Оруелл қаламига мансуб сиёсий антиутопик роман бўлиб, тоталитар тузум остидаги жамиятнинг даҳшатли манзарасини тасвирлайди. Асар сюжети Океания давлати пойтахти Лондонда яшовчи Партия аъзоси Уинстон Смит атрофида кечади. Катта оға бошчилигидаги ҳукмрон Партия одамларнинг ҳар бир қадамини кузатади, тарихни қайта ёзади, "Янгитил" орқали эркин фикрлашни йўқ қилишга интилади. Уинстон ич-ичидан бу тизимга қарши бўлса-да, қўрқув ва шубҳа талвасасида яшайди. У Жулия билан бўлган муҳаббати орқали озодликка интилади, аммо якунда Партиянинг шафқациз таъқибига учраб, руҳий ва жисмоний жиҳатдан синдирилади. Роман ўқувчини "ҳақиқат" ва "эркинлик" тушунчаларини қайта кўриб чиқишга ундайди ва тоталитаризмнинг инсон руҳига етказадиган зарарини ҳис этишга ёрдам беради.