Yoz, qisqartir: Kuchli matn yozish siri

Bugun deyarli hamma nimadir yozadi. Biroq behuda gaplar bilan oʻquvchilarning hafsalasini pir qilayotgan yoki fikrini yetkaza olmay, kulgiga qolayotganlar ham yoʻq emas. Sababi — matnni qanday yozish haqidagi oʻzbekcha adabiyotlar kam, shuning uchun ham koʻpchilik fikrini yozuvda toʻgʻri ifodalashga qiynaladi.

Javob albatta yoziladigan va manziliga qaytarib yuborilmaydigan xatlarni qanday yozish kerak? Taʼsirli va odob doirasidan chetga chiqmaydigan reklama eʼlonlarini-chi? Fikrni qanday qilib yolgʻon, siyqasi chiqqan va ortiqcha safsatalarsiz loʻnda, aniq, ishonarli ifodalash mumkin?

“Yoz, qisqartir” kitobida kuchli, risoladagidek matn yozish qoidalari qisqa va tushunarli bayon qilingan. Uni oʻqib, soʻzni isrof qilmagan holda aniq va taʼsirli yozishni oʻrganasiz.


 

“Yoz, qisqartir!” kitobi oʻquvchilar, talabalar, blogerlar, kanallar adminlari, boʻlajak jurnalistlar, oʻqituvchilar, matbuot xizmatlari xodimlariga, yaʼni ishi aynan yozish bilan bogʻliq boʻlgan barchaga eng kerakli qoʻllanma boʻla oladi.

Kitobdagi tavsiyalarga rioya etgan holda siz tushunarli yozishni, oʻquvchini qiziqtirish va ishonchini qozonishni oʻrganasiz. Bu kitobni kopirayterlar, yozuvchilar, muharrirlar, dizaynerlar, dasturchilar, menejerlar, tadbirkorlar, rahbarlar, xodimlar va ishida matndan foydalanadigan hamma oʻqishi shart!

“Yoz, qisqartir” bilan maqsadingizni qisqa va loʻnda ifodalang!

Ushbu kitob Xalq banki bilan hamkorlikda chop etildi.