Yangi biznes yoki startap ochmoqchi bo'lganlar uchun foydali kitoblar to'plami

Yangi biznes yoki startap ochmoqchi bo‘lganlar uchun foydali kitoblar to‘plami

1. Toni Shey: Baxt yetkazish. Milliard dollarlik internet do‘kon tarixi

“Baxt yetkazish” asarida Zappos bosh direktori Toni Shey LinkExchange, Zappos va boshqalar orqali chuvalchang yetishtirish fermasidan tortib pizza biznesini yuritishgacha boʻlgan biznes va hayotda olgan turli saboqlari bilan oʻrtoqlashadi. Bir nafasda oʻqib chiqiladigan ushbu kitob korporativ madaniyat muvaffaqiyat kaliti ekanligi, atrofingizdagi insonlarga baxt ulashish orqali yanada baxtliroq boʻlishingiz mumkinligini koʻrsatadi. Kitob “New York Times” hamda “Wall Street Journal”ning bestseller asarlar roʻyxatidan joy olgan.

2. Piter Til, Bleyk Masters: Noldan birga. Startaplar haqida qaydlar yoxud kelajakni qanday qurish mumkin

Zamonamizning eng katta siri shundaki, hali oʻrganilmagan chegaralar va yaratilishi kerak boʻlgan yangi ixtirolar mavjud. Afsonaviy tadbirkor va investor Piter Til “Noldan birga” kitobida yangi narsalarni yaratuvchi kompaniyalarni qurish usullarini qanday topishimiz mumkinligini koʻrsatadi.
Til oʻz asarini mobil qurilmalarga mukkamizdan ketib, buni sezmayotgan boʻlsak ham, aslida texnologik turgʻunlik asrida yashayotganimizni koʻrsatish bilan boshlaydi. Axborot texnologiyalari tez surʼatda rivojlandi, ammo taraqqiyot faqat kompyuterlar yoki Silikon vodiysi bilan cheklanib qolmasligi kerak. Har qanday sanoat yoki biznes sohasida taraqqiyotga erishish mumkin. Bunda xar bir lider oʻzlashtirishi kerak boʻlgan eng muhim mahorat — mustaqil fikrlashni oʻrganishdir.

3. Allan Dib: Bir varaqli marketing reja

Tadbirkor va marketolog Allan Dib oʻzining koʻp yillik tajribasi va izlanishi samarasi oʻlaroq marketing rejani bir varaqqa sigʻdirishga erishdi. Ushbu kitobda muallif bir varaqli marketing reja tuzish barobarida kichik va oʻrta biznes yoʻl qoʻyadigan xatolar va ularni tuzatish yoʻllari, mijoz topish, daromadni oshirish va biznesni avtomatlashtirish haqidagi oʻz bilimlarini oʻrtoqlashadi. Shuningdek, biznesni boshlashdan to uni soʻnggi mijozga sotguncha boʻlgan jarayon bilan ham tanishasiz.

4. Uolter Ayzekson: Stiv Jobs

Kitobda siz otasi tashlab ketgan, onasi rad etgan bola qanday qilib dunyoning eng katta kompaniyasiga asos solishi tarixini oʻrganasiz. Bu ogʻir tabiatli, lekin dunyoni oʻzgacha koʻz bilan koʻra olgan, uni oʻzgartirishni xohlagan, informatsion texnologiyalari revolyutsiyasiga sababchi boʻlgan insonning hayoti haqidagi kitobdir.
Ikki yil davomida Jobs bilan oʻtkazilgan 40dan ortiq intervyularga, shuningdek, yuzdan ortiq oila aʼzolari, doʻstlari, raqiblari, raqobatchilari va hamkasblari bilan boʻlgan intervyularga asoslanib, Uolter Ayzekson juda shiddatli mukammallikka boʻlgan ishtiyoqi sababli oltita sohada: shaxsiy kompyuterlar, animatsion filmlar, musiqa, telefonlar, planshet kompyuterlari va raqamli nashriyot kabi sohalarda inqilob qilgan kreativ tadbirkorning shaxsiyati va hayoti haqida hayratlanarli hikoya yozgan.

5. Brayan Treysi: Samaradorlikning 21 yo‘li

Kitob vaqtni toʻgʻri taqsimlash, ish yoki oʻqish jarayonini tashkillashtirish, hayot tarzini oʻzgartirish, natijada qanday qilib samaradorlikka erishish haqida nazariyadan uzoq, aniq maʼlumot va qoʻllanmalarni beradi.
Kitob talabalar, tadbirkorlar, ishchilar, rahbarlar, kuni va vaqtini tartibni solishni xohlaydigan hatto uy bekalariga ham tavsiya qilinadi.

Siz ushbu to‘plamni internet do‘konimiz orqali 10 % chegirma bilan 295 000 so‘mga xarid qilishingiz mumkin.