Dunyo daholari (kitoblar to‘plami)

1. Stiv Jobs - Kompyuterga jon bergan odam 

Stiv Jobs (1955-2011) hayotlik davridayoq mashhurlikning eng yuqori cho‘qqisini zabt etgan dunyoning noyob shaxslaridan biri hisoblanadi. U bu martabaga nafaqat axborot texnologiyalari va biznes olamidagi muvaffaqiyati, balki g‘ayritabiiy isteʼdodi sharofati bilan erishgan. Uni dunyoni o‘zgartira olgan inson, uzoqni ko‘ra oluvchi daho, uchqur xayol sohibi, o‘z davrining ovoziga aylangan notiqlardan biri deb ataydilar. Kitobda uning hayot yo‘li va faoliyati maroqli tarzda hikoya qilinadi va shu asnoda ko‘plab muvaffaqiyat sirlari oshkor etiladi. Bolalar va o‘smirlarga mo‘ljallangan ushbu bejirim tuhfa o‘quvchilarga manzur bo‘ladi degan umiddamiz.

2. Muhammad Ali - Barcha davrlarning eng buyuk bokschisi

Muhammad Ali ilk bor 13 yoshida boks bilan shug‘ullanishni boshlagan va 18 yoshida Olimpiadada g‘oliblikni qo‘lga kiritgan. Uning ring ichida ham, ring tashqarisida ham qilgan zalvorli ishlari "Eng buyuk sportchi" degan nom qozonishiga sabab bo‘lgan. Bolalar va o‘smirlarga mo‘ljallangan ushbu bejirim tuhfa o‘quvchilarga manzur bo‘ladi, degan umiddamiz.

3. Albert Eynshteyn - Serqirra daho

Albert Eynshteyn bo‘lishi mumkin emas, deb uqtirilgan narsalarni tasavvur qilishdan aslo qaytmagan. Uning ziddiyatlarga boy serqirra ilmiy faoliyati va xavf-xatarga to‘la shaxsiy hayoti "Dunyodagi eng mashhur fizik" degan nom qozonishiga sabab bo‘lgan.

Bolalar va o‘smirlarga mo‘ljallangan ushbu bejirim tuhfa o‘quvchilarga manzur bo‘ladi, degan umiddamiz.

4. Motsart - Musiqa dahosi

Shunday taniqli insonlardan biri o‘z asarlari bilan mangulikka muhrlangan bastakor, yuksak mahoratli sanʼatkor Volfgang Amadey Motsartdir. U 36 yoshga yetmay vafot etgan bo‘lsada, 620 dan ortiq tugallangan asarlar, ko‘plab parcha va eskizlar qoldirdi.

Deyarli barcha daholar singari Motsartni ham o‘z davrining insonlari tushunmagan, qadrlamagan. Ammo uning yorug‘lik, baxt, hayotga to‘la musiqasi hamisha odamlarni maftun qiladi, zavqlantiradi, eng yorqin va eng ezgu ishlarga undaydi.

Bolalar va o‘smirlarga mo‘ljallangan ushbu bejirim tuhfa o‘quvchilarga manzur bo‘ladi, degan umiddamiz.

5. Leonardo da Vinchi - Zamonasidan ilgarilab ketgan aql sohibi

Shunday daholardan biri, shubhasiz, Leonardo da Vinchi (1452- 1519) edi. Kitobda uning hayot yo‘li va faoliyati o‘zining tilidan maroqli tarzda hikoya qilinadi. Shu asnoda ko‘plab sirlar oshkor etiladi. Kitob nihoyasida esa da Vinchi ijodidan eng sara ertaklar o‘rin olgan.

Bolalar va o‘smirlarga mo‘ljallangan ushbu bejirim tuhfa o‘quvchilarga manzur bo‘ladi, degan umiddamiz.