Дунё даҳолари (китоблар тўплами)

1. Стив Жобс - Компьютерга жон берган одам 

Стив Жобс (1955-2011) ҳаётлик давридаёқ машҳурликнинг энг юқори чўққисини забт этган дунёнинг ноёб шахсларидан бири ҳисобланади. У бу мартабага нафақат ахборот технологиялари ва бизнес оламидаги муваффақияти, балки ғайритабиий истеъдоди шарофати билан эришган. Уни дунёни ўзгартира олган инсон, узоқни кўра олувчи даҳо, учқур хаёл соҳиби, ўз даврининг овозига айланган нотиқлардан бири деб атайдилар. Китобда унинг ҳаёт йўли ва фаолияти мароқли тарзда ҳикоя қилинади ва шу аснода кўплаб муваффақият сирлари ошкор этилади. Болалар ва ўсмирларга мўлжалланган ушбу бежирим туҳфа ўқувчиларга манзур бўлади деган умиддамиз.

2. Муҳаммад Али - Барча даврларнинг энг буюк боксчиси

Муҳаммад Али илк бор 13 ёшида бокс билан шуғулланишни бошлаган ва 18 ёшида Олимпиадада ғолибликни қўлга киритган. Унинг ринг ичида ҳам, ринг ташқарисида ҳам қилган залворли ишлари "Энг буюк спортчи" деган ном қозонишига сабаб бўлган. Болалар ва ўсмирларга мўлжалланган ушбу бежирим туҳфа ўқувчиларга манзур бўлади, деган умиддамиз.

3. Алберт Эйнштейн - Серқирра даҳо

Алберт Эйнштейн бўлиши мумкин эмас, деб уқтирилган нарсаларни тасаввур қилишдан асло қайтмаган. Унинг зиддиятларга бой серқирра илмий фаолияти ва хавф-хатарга тўла шахсий ҳаёти "Дунёдаги энг машҳур физик" деган ном қозонишига сабаб бўлган.

Болалар ва ўсмирларга мўлжалланган ушбу бежирим туҳфа ўқувчиларга манзур бўлади, деган умиддамиз.

4. Мотсарт - Мусиқа даҳоси

Шундай таниқли инсонлардан бири ўз асарлари билан мангуликка муҳрланган бастакор, юксак маҳоратли санъаткор Волфганг Амадей Мотсартдир. У 36 ёшга етмай вафот этган бўлсада, 620 дан ортиқ тугалланган асарлар, кўплаб парча ва эскизлар қолдирди.

Деярли барча даҳолар сингари Мотсартни ҳам ўз даврининг инсонлари тушунмаган, қадрламаган. Аммо унинг ёруғлик, бахт, ҳаётга тўла мусиқаси ҳамиша одамларни мафтун қилади, завқлантиради, энг ёрқин ва энг эзгу ишларга ундайди.

Болалар ва ўсмирларга мўлжалланган ушбу бежирим туҳфа ўқувчиларга манзур бўлади, деган умиддамиз.

5. Леонардо да Винчи - Замонасидан илгарилаб кетган ақл соҳиби

Шундай даҳолардан бири, шубҳасиз, Леонардо да Винчи (1452- 1519) эди. Китобда унинг ҳаёт йўли ва фаолияти ўзининг тилидан мароқли тарзда ҳикоя қилинади. Шу аснода кўплаб сирлар ошкор этилади. Китоб ниҳоясида эса да Винчи ижодидан энг сара эртаклар ўрин олган.

Болалар ва ўсмирларга мўлжалланган ушбу бежирим туҳфа ўқувчиларга манзур бўлади, деган умиддамиз.