Den Braun: Raqamli qalʼa (Fleksibl muqova)

Bu kitob zamonaviy jahon adabiyotining eng mashhur yozuvchilaridan biri, butun dunyo boʻylab 300 milliondan ortiq nusxada kitob sotgan Den Braunning “Raqamli qalʼa“ romanidir. Ushbu roman Den Braunning ilk romani boʻlib, asar shu zahoti Den Braunga butun dunyoga mashhurlikni olib keladi. Bugungi kunda Den Braun “New York Times“ nashri tomonidan bir necha bor dunyoning eng mashhur 100 insoni sifatida eʼtirof etilgan va uning asarlari doim dunyodagi yangi bestsellerlar roʻyxatida eng birinchi oʻrinlarni egallab kelmoqda. Ayni vaqtda yillik 156 million AQSH dollari daromad bilan, Den Braun jahonda eng koʻp daromad qiladigan yozuvchilardan biri ham hisoblanadi. Uning boshqa bir “Da Vinchi kodi“ nomli asari oʻzbek kitobxonlariga yaxshi tanish.

“Raqamli qalʼa” romani adibning ilk romani boʻlib, asar 1998-yilda yozilgan. Asarning yozilishiga Den Braun hayotda oʻzi guvohi boʻlgan voqea sabab boʻladi. Den Braun oʻzi dars beradigan Universitetdagi talaba doʻstiga elektron pochta orqali hazillashib AQSH prezidentiga suiqasd qilmoqchi ekanligini yozganligidan soʻng AQSH “Milliy xavfsizlik agentligi“ xodimlari tomonidan qoʻlga olinadi. Milliy xavfsizlik agentligi eng sirli agentliklardan biri boʻlib, uning vazifasi fuqarolarni kuzatib borishdir. Bu vaziyat uni qiziqtirib qoʻyadi va u elektron xavfsizlik haqida asar yozishga qaror qiladi. Uyiga kelib asarni yoza boshlagan paytda elektron pochta orqali virus kelib, kompyuterining qattiq diski kuyib qoladi. Bundan xavotir olgan Den Braun “Milliy xavfsizlik agentligi“ va undagi dovyurak razvedkachilar haqida shov-shuvli kitobni chop etadi.

Asarda raqamli xavfsizlik, vatan xavfsizligi yoʻlida ishlaydigan jasur shaxslarning hayoti, ular uchraydigan xavf masalalari koʻtarilgan. Ushbu asarda ham vatanparvarlik, ham ehtirosli sevgi, ham qiziqarli maʼlumotlar, ham sizni oʻz dunyosiga sayohat qildiradigan ajoyib syujetni topasiz. Asar voqealari AQSH, Ispaniya, Yaponiya kabi mamlakatlar hududida oʻtishi, voqealarning tez va kutilmagan rivoji sizni oʻziga maftun qiladi.

Umid qilamizki, Den Braunning sodda va qiziqarli oʻziga xos realistik uslubi oʻzbek kitobxonlariga maʼqul keladi.

Bosh muharrir: N.A. Nurmuhammedova

Musahhih (korrektorlar): E.Asanov, O. Bekmurodov, Oʻ. Tolibjonov, M. Gʻafurov, N.Nurmuhammedova