Allen Karr: Kashandalikdan qutulishning oson yo’li

Allen Karrning "Oson uslubi" allaqachon butun dunyo bo‘ylab millionlab odamlarga chekishni tashlashga yordam bergan:

- zo'riqmasdan,

- azobli voz kechish davrisiz,

- dori-darmonlar va o‘rnini bosuvchi vositalar ishlatmasdan,

- vazn qo‘shmasdan,

- osonlik bilan,

- tezda,

- butunlay.

Ushbu kitob sizga nima uchun chekishni boshlaganingizni va aniq salbiy oqibatlariga qaramay, buni davom ettirayotganingizni tushunishga yordam beradi. Siz chekishga undovchi xom xayollar va yanglish fikrlardan xalos bo‘lasiz, natijada sigaretga bo‘lgan ishtiyoqingiz va chekish istagi hech qanday irodaviy kuch sarflamasdan o‘z-o‘zidan yo‘qoladi.

Ushbu kitobni o‘qing, oddiy ko‘rsatmalarga amal qiling va siz nafaqat chekishni tashlaysiz, balki nikotinga qaramlikdan xalos bo‘lish jarayonidan va nikotinsiz hayotdan zavq olasiz.

Allen Karrning "oson yo'li" nikotinga qaramlikdan xalos bo‘lishning eng samarali usuli bo‘lib qoldi va u alkogolizm hamda giyohvandlikdan tortib qimor o‘yinlari va haddan tashqari ovqatlanishgacha bo‘lgan turli xil qaramliklar va kasalliklarni davolashda qo‘llaniladi. Bu usul millionlab odamlarga hayotlarini yaxshi tomonga o‘zgartirishga yordam berdi. U sizga ham yordam beradi.

Dunyoda har yili 4 milliondan ortiq odam sigaret chekishi tufayli vafot etadi. Bu giyohvandlikdan oʻladiganlar va hatto urushlarda halok boʻladiganlar sonidan ham bir necha barobar koʻp. Shunga qaramay, nega kashandalar — oʻsmirlardan tortib qariyalargacha — bila turib bu zararli odatni tashlay olmaydi?

Buning sababi tana nikotinga qaram boʻlib qoladi, deb oʻylayotgandirsiz. Kitobni oʻqish davomida kashandalikdan qutulishning oson yoʻlini amalda sinab koʻring. Allen Karrning qoʻllanmasi quruq qoʻrqitish va targʻibot emas, balki yillar davomida sinalgan samarali maslahatlardan iborat. Ular yordamida millionlab odamlar chekishni tashlamoqda va bu sizning ham qoʻlingizdan keladi!

“Kashandalikdan qutulishning oson yoʻli” — bu insonlarga chekishni butun umrga tashlashning sinalgan usullarini beruvchi kitobdir. Kitob muallifi Allen Karr bugungacha 50 million insonning chekishni qiyinchiliksiz tashlashiga sabab boʻlgan.

Kitobda maʼlumotlar shu koʻrinishda taʼriflanadi:

Psixologik yondashuv: Karr eʼtiborni sigaret chekishning jismoniy alomatlariga emas, balki tamakiga psixologik qaramlikni bartaraf etishga qaratilgan.

Tafakkur oʻzgarishi: Kitob chekish haqidagi tasavvuringizni oʻzgartirib, uni yoqimsiz va keraksiz mashgʻulotga aylantirib koʻrsatadi.

Hech qanday iroda kuchisiz: Karrning taʼkidlashicha, iroda asosiy narsa emas va chekishni oson va iroda kuchini ishlatmay tashlash mumkin.

Allen Karr 30 yildan koʻproq vaqt davomida toʻxtovsiz sigaret chekkan. 1983-yilda chekishni tashlashga boʻlgan koʻplab muvaffaqiyatsiz urinishlardan soʻng oxir-oqibat chekishni tashladi. Kuniga 60-100 donadan sigareta tutatgan insonda kunlik chekadigan sigaret soni 0 ga tenglashdi. Muallif chekishdan mahrumlik azobini boshdan kechirmasdan, iroda kuchini ishlatmay ham qutulish mumkinligini koʻrsatib beradi. U chekishni toʻxtatishning oson yoʻlini kashf etganini tushundi va chekuvchilarni davolashga yordam berish missiyasini boshladi.

Kitobning eng muhim 2 afzalligi:

Ogʻriqsiz qutulish: Kitob sabab chekishdan ogʻriqsiz va ruhiy qiyinchiliklarsiz xalos boʻlasiz.

Uzoq muddatli muvaffaqiyat: Kitobdagi usullar chekishdan bir urinishda butunlay voz kechishingizga yordam beradi.

Oʻz uslubining muvaffaqiyati natijasida Allen Karr chekishni toʻxtatish boʻyicha dunyodagi yetakchi mutaxassis sifatida xalqaro darajada tanildi. Uning klinikalar tarmogʻi hozir butun dunyoni qamrab oladi va yer yuzi boʻylab kashandalikdan xalos boʻlishga koʻmak beradi. Uning birinchi kitobi hisoblangan “Kashandalikdan qutulishning oson yoʻli” 40 dan ortiq tillarda nashr etilgan va 12 milliondan ortiq nusxada sotilgan.

Allen Karrning ushbu kitobi nomiga mos ravishda chekish odatidan oson qutulish sirlari haqida. Muallif keng tarqalgan qarashlarga qarshi chiqib, o‘z nuqtai nazarini ilgari suradi. Shuningdek, ilmiy asoslar va tajribasiga tayanib, chekishni tashlashning noodatiy usullarini taklif etadi. Kitob nafaqat kashandalikdan aziyat chekayotganlar uchun ishonchli qo‘llanma bo‘la oladi, balki mavzuga qiziqqan barcha kitobxonlarga foydali ma’lumotlar ham beradi.

Ushbu kitob Xalq banki bilan hamkorlikda chop etildi.