Абдулла Қаҳҳор: Танланган ҳикоялар

Абдулла Қаҳҳор ижодида ҳажман катта бўлмаган, аммо кенг қамровли ҳикоялари алоҳида ўрин тутади. Унинг ҳар бир ҳикояси таъсирчанлиги, тасвирнинг рангли ва айни пайтда ҳаётийлиги, ўткир ҳамда теша тегмаган иборалари билан ўзига хос.

Ушбу китобда ёзувчининг сара ҳикоялари жамланди. Аксар ҳикояларда одамлар орасида учраб турадиган иллатлар, ўтмишда ҳукм сурган ижтимоий адолацизлик, ўша даврдаги айрим амалдорларнинг кирдикорлари баъзан ҳажв йўли билан, баъзан эса ўқувчи қалбини ларзага соларли воқеалар асосида тасвирланган.

Кишиларнинг дард-у қувончлари, орзу-армонлари умуман, ҳаётнинг оғриқли нуқталарини теран нигоҳи ила тасвирлаган ёзувчи асарларини ўқиб, аниқки, сўз қудратига яна бир бор тасанно айтасиз.