Абдулла Қаҳҳор: Минг бир жон

Абдулла Қаҳҳор ижоди - ўзбек адабиёти учун мустаҳкам қоя, айни дамда йўлчи юлдуз вазифасини бажарувчи маҳорат мактабидир. Ёзувчининг қай бир асарини олманг, унда дард, изтироб, алам, одамзоднинг барча қувончу шодлиги янгича бўй кўрсатади. Асарнинг ниҳоясига етмагунингизча унинг охири нима билан якун топишини башорат қилолмайсиз, кутилмаган воқелик билан юзма-юз келасиз.

Абдулла Қаҳҳор асарлари қаҳрамонлари ҳам орамиздаги одамлар бўлсада, ёзувчи уларни кўпчиликка намоён бўлмаган хислатлари орқали бизга таништиради. Уларнинг қалбини тинглашга, уларга ҳамдард бўлишга чақиради.