Ёз, қисқартир: Кучли матн ёзиш сири

Бугун деярли ҳамма нимадир ёзади. Бироқ беҳуда гаплар билан ўқувчиларнинг ҳафсаласини пир қилаётган ёки фикрини етказа олмай,
кулгига қолаётганлар ҳам йўқ эмас. Сабаби — матнни қандай ёзиш ҳақидаги ўзбекча адабиётлар кам, шунинг учун ҳам кўпчилик фикрини
ёзувда тўғри ифодалашга қийналади.

Жавоб албатта ёзиладиган ва манзилига қайтариб юборилмайдиган хатларни қандай ёзиш керак? Таъсирли ва одоб доирасидан четга
чиқмайдиган реклама эълонларини-чи? Фикрни қандай қилиб ёлғон, сийқаси чиққан ва ортиқча сафсаталарсиз лўнда, аниқ, ишонарли
ифодалаш мумкин?

“Ёз, қисқартир” китобида кучли, рисоладагидек матн ёзиш қоидалари қисқа ва тушунарли баён қилинган. Уни ўқиб, сўзни исроф қилмаган
ҳолда аниқ ва таъсирли ёзишни ўрганасиз.

“Ёз, қисқартир!” китоби ўқувчилар, талабалар, блогерлар, каналлар админлари, бўлажак журналистлар, ўқитувчилар, матбуот хизматлари
ходимларига, яъни иши айнан ёзиш билан боғлиқ бўлган барчага энг керакли қўлланма бўла олади.

Китобдаги тавсияларга риоя этган ҳолда сиз тушунарли ёзишни, ўқувчини қизиқтириш ва ишончини қозонишни ўрганасиз. Бу китобни
копирайтерлар, ёзувчилар, муҳаррирлар, дизайнерлар, дастурчилар, менежерлар, тадбиркорлар, раҳбарлар, ходимлар ва ишида матндан
фойдаланадиган ҳамма ўқиши шарт!

“Ёз, қисқартир” билан мақсадингизни қисқа ва лўнда ифодаланг!

Ушбу китоб Халқ банки билан ҳамкорликда чоп этилди.