Уилиам Камквамба: Шамолни бўйсундирган бола

Қурғоқчилик уқубатлари сира аримайдиган Малави қишлоғидан бўлган бир бола кўпчилик имконсиз деб билган ишни қилишга журъат этди: кераксиз чиқиндилар, занг босган темир-терсаклардан шамол парраги ясаб, уйига нур олиб кирди.
Уилиам Камквамба ўз бошидан кечирган бардош ва умиднинг чексиз қудрати ҳақидаги ҳаёт ҳикояси билан кўпчиликка илҳом бағишласа ажаб эмас. У қизиқишлари ортидан қатъият билан эргашиб, нафақат ўз тақдирини, балки жуда кўпчиликнинг қарашларини  ҳам ўзгартира олган.
Бу китоб инсон салоҳиятининг моҳиятини очиб беради, биргина иродали, иштиёққа тўла қалбнинг "Уриниб кўришдан қўрқмадим ва уддаладим" деган ишончи ақл бовар қилмас ишларга қодир эканини кўрсатади.
Ушбу асарни ўқинг, фарзандларингизга ҳам ўқитинг. Болаларингизга сиздан қоладиган энг катта мерос курашувчанлик руҳидир.