Сомерсет Моэм: Театр

Ҳаёт саҳнасидаги ролимизни ҳаммамиз қойилмагом ижро этишга ҳаракат қиламиз. Худди ана шу жараёнда билиб-билмай салбий ёки ижобий қаҳрамонларга айланадиган жойларимиз ҳам бор. Бироқ саҳнадаги ижродан фарқи шундаки, оддий инсонларнинг қандай актёр эканини томошабин эмас, ҳаётнинг ўзи баҳолайди.
Варақлаётганингиз - илк бор ўзбек тилига таржима қилинган «Театр» романи илоҳий саҳнада ижро қилаётган ролингизни холис таҳлил қилиш, путур етган умуминсоний қадриятлар акс этган воқеалар талгинида хатти-ҳаракатларингиздан хулоса ясаш, айниқса, ҳаётдаги олий мақсад сари уйғоқ виждон ва имон билан олға боришга ундайди.