Saodat Ro‘ziyeva: Rus tilida gapirishni o‘rganamiz

Ushbu qo'llanma mustaqil ravishda til o'rganishni xohlovchi o'quvchilar uchun mo'ljallangan. Mazkur loyihaning afzal jihati - hatto rus tilini mutlaqo bilmaydigan boshlang'ich sinf o'quvchilari uchun ham oson va qulay dastur asosida tayyorlanganidadir. Ya'ni har bir mavzu o'zbek tilida batafsil tushuntirib beriladi va bu darsni to'liq o'zlashtirishda muhim ahamiyat kasb etadi.

Qo'llanmadan mustaqil foydalanib, so'zlar, so'z turkumlari, shaxs-zamon, rod, predloglar, suffiks va qo'shimchalarni o'rganib, ularni to'g'ri qo'llab gap tuza olish darajasida bilim egallash mumkin. Bu esa o'z navbatida, tilni mukammal darajasida o'zlashtirish omili bo'lib xizmat qiladi. Har bir mavzudan keyin test savollari ham berilganki, bu, albatta, egallangan bilim va ko'nikmalarni yanada mustahkamlashda qo'l keladi. Dialoglar esa rus tilida og'zaki nutqni rivojlantirishda yordamchi boʻladi.

Bir so'z bilan aytganda, mazkur qo'llanmani bemalol kitob shaklidagi «beminnat o'qituvchi» deb atash mumkin.