Саодат Рўзиева: Рус тилида гапиришни ўрганамиз

Ушбу қўлланма мустақил равишда тил ўрганишни хоҳловчи ўқувчилар учун мўлжалланган. Мазкур лойиҳанинг афзал жиҳати - ҳатто рус тилини мутлақо билмайдиган бошланғич синф ўқувчилари учун ҳам осон ва қулай дастур асосида тайёрланганидадир. Яъни ҳар бир мавзу ўзбек тилида батафсил тушунтириб берилади ва бу дарсни тўлиқ ўзлаштиришда муҳим аҳамият касб этади.

Қўлланмадан мустақил фойдаланиб, сўзлар, сўз туркумлари, шахс-замон, род, предлоглар, суффикс ва қўшимчаларни ўрганиб, уларни тўғри қўллаб гап туза олиш даражасида билим эгаллаш мумкин. Бу эса ўз навбатида, тилни мукаммал даражасида ўзлаштириш омили бўлиб хизмат қилади. Ҳар бир мавзудан кейин тест саволлари ҳам берилганки, бу, албатта, эгалланган билим ва кўникмаларни янада мустаҳкамлашда қўл келади. Диалоглар эса рус тилида оғзаки нутқни ривожлантиришда ёрдамчи бўлади.

Бир сўз билан айтганда, мазкур қўлланмани бемалол китоб шаклидаги «беминнат ўқитувчи» деб аташ мумкин.