Марк Ҳ.Лоу: XXI асрда мувозанат

Бу китоб ўзликни англаш, ботиндаги мувозанатни йўлга қўя олиш каби маънавий эҳтиёжни тўлдиришга кўмак мақсадида битилган. Инсон зоти борки, бахтга эришмоқчи экан, ўзининг кимлиги-ю, нималарга қодирлиги ҳақида бот-бот тафаккур қилгани маъқул. Ўйласагина ўз руҳий мувозанатидан тортиб бутун замон мувозанати қадар таҳлил тажрибасини шакллантира олади. Бахт тушунчаси сари яқинлаштиради.

Ўз мақсади йўлида муваффақиятга эришганлар ҳаёти мисолида баҳс юритилган ушбу китоб сизни суҳбатга тортади. "Суҳбат" давомида ўзингизда бардош топиш ҳам, аслида сизнинг руҳий мувозанатингизни кўрсатади, азиз ўқувчи. Мақсадимиз - сизни яна ҳам кенгроқ тафаккурга ундаш. Хулоса эса сиздан. Китобни ўқишни бошларкансиз, ишонинг, унинг ёш, жинс, касб, тоифа, даража танламаслигига амин бўласиз. Мароқли мутолаа тилаймиз, замондошим, англашдан чарчаманг.

Дарвоқе, Марк H.Lou - мувозанат бўйича маслаҳатчи. Австралиянинг Сидней шаҳрида истиқомат қилади.