Кумон: Менинг китобим. Алифбо ўйинлари (4-5-6 ёш)

Сифат жиҳатидан афзаллиги: Китоб ёзишни ўрганаётган болалар учун мўлжалланган сифатли қоғозда чоп этилган. Қоғозлар ҳатто қаламни тўғри ушлолмайдиган болаларнинг қўполлик билан чизишларига ҳам дош бера олади, яъни йиртилмайди, тилинмайди. Шунингдек, у осон ўчириш ва ҳарфларни қайта-қайта чизиш имкониятини беради.

Китоб ҳақида қисқача: Китобда бола инглиз тилидаги ҳарфларнинг алифбо тартибини ўрганади, босма ҳарфларни ёзишни машқ қилади, бош ва кичик ҳарфлар ўртасидаги фарқни эслаб қолади. Бундан ташқари, у қалам билан ишлаш кўникмасини мустаҳкамлайди ва майда моторикани машқ қилади.

Китоб кимлар учун?

Китоб 4 ёшдан 6 ёшгача бўлган болалар учун мўлжалланган.

Йўриқнома:

— Кичик ҳарфлар (1-12): ушбу топшириқларда бола кичик ҳарфларни алифбо тартибида бирлаштириб, расм контурини чизади ва ҳарфларни овоз чиқариб айтади. Топшириқларнинг иккинчи қисмида эса бола пунктир чизиқлар бўйича ҳарфларни айлантириб ёзади.

— Бош ҳарфлар (13-23): ушбу бўлимдаги машқларда бола бош ҳарфларни алифбо тартибида бирлаштиради. Топшириқ бажарилгач, у қизиқарли расмга эга бўлади. Топшириқларнинг иккинчи қисмида бола ҳарфларни айлантириб ёзади ва уларни баланд овозда айтади.

— Бош ва кичик ҳарфлар (24-50): ушбу бўлимда бола бир вақтда бош ҳамда кичик ҳарфларни айлантириб ёзади. Бундан ташқари, ҳар бир саҳифада катта ва кичик ҳарф билан бошланадиган сўзлар берилади. Болага ушбу сўзлар билан содда гап тузиш таклиф этилади.

Ушбу китобнинг мақсади ва вазифалари:

Бу китоб фарзандингизга инглиз тили алифбосини ўрганишда ёрдам беради. Ҳарфларни тартиб билан ёзиш орқали у қаламни тўғри ушлаб, ҳарфларни чиройли ёзишни ўрганади. Ҳарфларни кузатиб чизиш ва нуқталарни боғлаш орқали алифбо тартибини қизиқарли тарзда такрорлайди.

Китобнинг иккинчи қисмида фарзандингиз ҳар бир ҳарфнинг катта ва кичик шаклини жуфт қилиб машқ қилади. Бу унга ҳарфлар жуфтлигини эслаб қолишга ва яна алифбони такрорлашга ёрдам беради. Шунингдек, ҳарфлар билан боғлиқ расмлар ва ҳайвонлар орқали у ҳарфларнинг товуши ва маъносини тушуниб олади.

Китобдаги машқларнинг асосий қисми — ҳарфларни кузатиб ёзиш. Фарзандингиз ҳарфларнинг шакли ва товушини ўз тезлигида ўрганади.

Ҳар куни бу китоб орқали фарзандингиз ҳарфларни кўриш, таниш ва номлаш имконига эга бўлади. Сиз эса унга товушларни кундалик ҳаётдаги нарсалар билан боғлашга ёрдам бера оласиз. Масалан, у айтган сўзнинг биринчи товушини ажратиб кўрсатиб, ҳарфларга бўлган қизиқишини оширишингиз мумкин.